Trattoria Kagawa by Mihara (已結業)

放工经过湾仔船街见到一间意日fusion 菜做紧优惠 - 任食青口同薯条都系$388/位，餐厅环境有情调，另外有铁板烧座位，同时欣赏师傅嘅手艺。Bottega , Pinot Grigio ,Venezia DOC特登开咗支酒配青口食，Pinot Grigio系意大利出产，入口轻盈，清爽，带有青草，梨香味。Trippa alla Kagawa系一个意大利传统菜式，用慢煮嘅方式令牛肚非常软腍，另外用上自家制蕃茄蓉同埋鹿儿岛鸡蛋配搭，非常滋味。Ajillo of the Day 是日精选系橄榄油大蒜虾，虾系浸泡过蒜片既橄榄油烹调，香气四溢极为惹味。Free flow mussels and fries 有三个味道可以拣 - 白酒蒜蓉、忌廉、蕃茄（微辣），三种味道各有千秋，建议先食白酒蒜蓉青口，味道清新，带有酒香味；忌廉味青口入口顺滑，个人非常钟意；蕃茄味青口有惊喜，蕃茄汁好稠身，同味道浓郁。Homemade Gelato甜品试咗自家制云呢拿味既Gelato，入口滑顺，仲有好浓郁嘅奶香味，上面加咗少少nuts。