雪山冰廳

营业中

休息中

呢间雪山冰厅一直以黎都系心目中好地道又抵食既茶记，而且仲有好传统既手写餐牌，阿姐既服务亦都好好，真系会转登黎食佢既椒盐猪排饭。大阪烧热狗呢个真系未见过而且系有惊喜! 热狗肠热辣辣再加埋大阪烧既酱汁，估唔到系咁夹而且价钱亦都唔贵，真系要试!鲜茄焗猪排饭另一个招牌菜式，猪排肉质够淋而且好入味又有肉既质感，加埋炒饭底系粒粒分明，茄酱调味亦都几好，甜酸比例都岩岩好，真系几好食而且新鲜焗起又够芝士，整体都系一个好食既焗饭!椒盐猪排饭呢个真系每次黎雪山冰厅都必食既菜式，猪排系比起焗猪既更加厚而且超入味，加埋佢又炸过同埋大量蒜蓉既调味，食落真系好惹味! 另外炒饭底亦都好出色，粒粒分明热辣辣而且仲有少少辣椒吊味，极力推荐一定要食!