INN - I’m Not Nothing (已結業)

之前系元朗食过一次INN环境唔错，今日同朋友经过荔枝角揾野食，见到分店就决定去食。我同朋友每人点左个set lunch, 是日餐汤系南瓜忌廉汤，第一次饮汤都有精美拉花😍餐汤口感非常浓厚，南瓜味好浓😋烧火鸡胸肉牛油果酱汉堡配薯条🍔粗薯条炸得金黄香脆，外脆内软，汉堡面包有烘底，牛油果酱做得非常出色，配合厚切嘅火鸡胸肉口感一流，加上入面嘅芝士、生菜、番茄食落好有层次，系非常有惊喜而值得食嘅汉堡👍🏻香煎焗厚切猪肉眼配金巴车厘子酱🐷猪肉眼扒煎得啱啱好，厚切咬落肉汁充足，煮嘅火喉恰当，肉质鲜嫩可口，再配合表面略带甜嘅新鲜车厘子酱，整个配搭令人非常满足😆饮品🍹叫set lunch点特饮都有半价，我同朋友分别点左派对白桃乌龙茶同青柠薄荷梳打，白桃乌龙茶用咗新鲜白桃，饮落有淡淡清香。青柠薄荷梳打就有好多薄荷叶，饮落非常清新。总括而言，餐厅环境舒适，食物质素高，食得出厨师嘅用心，每人平均消费$150，下次有机会会再去食。