第三站

星期日同老公去旺角楼上Station 3 Cafe食晚饭。呢啲有board game玩既楼上cafe买少见少，难得食物质素仲要好高质。我地叫左两个Dinner Set，一个加左$38要田园沙律同蛋糕，再另叫松露薯条。松露薯条超级大兜，新鲜即炸，上碟好够热，薯条外脆内软，好好食。田园沙律落左好多胡麻酱。黑松露带子鲜菌烩意大利饭意大利饭软硬适中，用上珍珠带子，反而可以每啖都食到，加上杂菌同黑松露，真系好好味。烟三文鱼野菌忌廉阔条面烟三文鱼卷成花花样，好有心机，忌廉味好浓郁，条条阔条面都挂到汁。法国朱古力芝士蛋糕一层朱古力慕丝，一层朱古力蛋糕，一共四层，有层次感，朱古力味够浓，唔错。饮品加左$4要榛子朱古力同特浓朱古力，两杯都唔会太甜，朱古力又出。