影片
更多
2024-09-10
124 浏览
朋友介绍尖沙咀有间好有气氛嘅韩国餐厅‘‘狎鸥亭居酒屋’’，冇谂过诺士佛台楼有间隐世韩国菜。冇人介绍真系唔识揾到黎。仲有好多韩国人帮衬，连侍应都几乎全部系韩国人，好有气氛。朋友话逢星期日、一：全单8折，咁抵，就梗系要衬li个机会试下佢la😍一坐低就问要水定小麦茶，有得拣就梗系小麦茶la，我最爱嘅茶😍，依然系好香，好好饮😋⭐️前菜有6款：泡菜、菠菜、萝卜、芽菜、甜鱼仔、豆皮⭐️生拌牛肉落左枱，韩国店员应该已经好习惯香港人嘅饮食文化，相机食先，比我影完相，先再帮我捞均d生牛肉、生鸡蛋、梨丝，调味有少少辣，不过加埋梨本身嘅甜味，又好好食㖞😋⭐️鱼卵汤鱼卵煮到8成啱啱好，好弹牙，仲配埋豆腐、白萝卜、芽菜、金菇、翠玉瓜，要赞一赞，汤嘅辣度可以因应客人口味而调节😋，啱晒又想试，但系又唔太食得辣嘅我😍⭐️酱油蟹饭比我影完相，店员就将蟹盖嘅膏刮落个饭度，又帮我捞匀，之后仲装返d饭落个蟹盖度添，卖相100分，酱油蟹有膏，好正。d饭跟左生鸡蛋、蟹籽、紫苏叶、葱，再捞埋d蟹膏，同净食酱油蟹比，又系另一个感觉，好鲜味😋⭐️菠萝酒一落枱就好震撼，冇谂过咁大盘，个样又靓、又饮得、又食得，菠萝本身好甜，酒味唔系好浓，想饮下酒，
朋友介绍尖沙咀有间好有气氛嘅韩国餐厅‘‘狎鸥亭居酒屋’’，冇谂过诺士佛台楼有间隐世韩国菜。冇人介绍真系唔识揾到黎。仲有好多韩国人帮衬，连侍应都几乎全部系韩国人，好有气氛。
朋友话逢星期日、一：全单8折，咁抵，就梗系要衬li个机会试下佢la😍
一坐低就问要水定小麦茶，有得拣就梗系小麦茶la，我最爱嘅茶😍，依然系好香，好好饮😋
⭐️前菜
有6款：泡菜、菠菜、萝卜、芽菜、甜鱼仔、豆皮
⭐️生拌牛肉
落左枱，韩国店员应该已经好习惯香港人嘅饮食文化，相机食先，比我影完相，先再帮我捞均d生牛肉、生鸡蛋、梨丝，调味有少少辣，不过加埋梨本身嘅甜味，又好好食㖞😋
⭐️鱼卵汤
鱼卵煮到8成啱啱好，好弹牙，仲配埋豆腐、白萝卜、芽菜、金菇、翠玉瓜，要赞一赞，汤嘅辣度可以因应客人口味而调节😋，啱晒又想试，但系又唔太食得辣嘅我😍
⭐️酱油蟹饭
比我影完相，店员就将蟹盖嘅膏刮落个饭度，又帮我捞匀，之后仲装返d饭落个蟹盖度添，卖相100分，酱油蟹有膏，好正。d饭跟左生鸡蛋、蟹籽、紫苏叶、葱，再捞埋d蟹膏，同净食酱油蟹比，又系另一个感觉，好鲜味😋
⭐️菠萝酒
一落枱就好震撼，冇谂过咁大盘，个样又靓、又饮得、又食得，菠萝本身好甜，酒味唔系好浓，想饮下酒，又唔太饮得就好适合
li个韩国菜d份量大大份，两个人黎食，都食到捧住个肚走，下次要多d人一齐黎先可以食多d野，诚意推介比钟意食韩国菜，又对韩国菜有要求嘅你
张贴
