影片
更多
2021-08-30
699 浏览
适逢朋友转工，想去高质餐厅食靓view贺一贺佢，揾咗一间系铜锣湾主打正宗广东私房菜试下，落地大玻璃睇到跑马地马场全景今次我地食依个午市商务套餐前菜有2款分别系：泡椒猪手、麻辣千层峰唔好比泡椒吓怕以为会好辣，我觉得辣度适中，猪手肥而不腻，睇相都睇得出d肉嫩滑滑，入口满满骨胶原感，又好味又美颜！麻辣千层峰即系麻辣猪耳，非常爽口，加上惹味麻辣好开胃，食完2碟辣前菜已经急不及待想食主菜前菜未到前有是日老火靓汤— 老黄瓜红萝卜猪骨汤睇我食评都知我好钟意饮汤，特别系老火汤，依盅汤火候十足，老黄瓜加红萝卜带出甜味，好似妈妈煲汤一样咁正！榄角冰梅骨第一碟主菜出场，成个餐我最推介系依碟榄角冰梅骨，酸酸甜甜味加上炸香后更加入味，肉质松化唔韧牙，我朋友大赞！差d成碟食哂唔记得留比我……黑毛猪豚肉生菜包一放上枱就闻到好香，入口都系好香，加上每粒肉粒布满均匀脂肪口感系好满足，唔夹生菜捞饭都一流，当然生菜会更加fresh，依碟生菜好爽好新鲜夹住满口香浓黑毛猪豚肉系好好味！羊肚耳炒鲜淮山依个配搭系第一次食，从来未食过羊肚耳，食落好爽口，原来属于菌类，含有丰富营养价值，睿私房菜总厨主张养生食疗，所以菜肴都加入健康食材
适逢朋友转工，想去高质餐厅食靓view贺一贺佢，揾咗一间系铜锣湾主打正宗广东私房菜试下，落地大玻璃睇到跑马地马场全景
今次我地食依个午市商务套餐
前菜有2款分别系：泡椒猪手、麻辣千层峰
唔好比泡椒吓怕以为会好辣，我觉得辣度适中，猪手肥而不腻，睇相都睇得出d肉嫩滑滑，入口满满骨胶原感，又好味又美颜！
麻辣千层峰即系麻辣猪耳，非常爽口，加上惹味麻辣好开胃，食完2碟辣前菜已经急不及待想食主菜
前菜未到前有是日老火靓汤— 老黄瓜红萝卜猪骨汤
睇我食评都知我好钟意饮汤，特别系老火汤，依盅汤火候十足，老黄瓜加红萝卜带出甜味，好似妈妈煲汤一样咁正！
榄角冰梅骨
第一碟主菜出场，成个餐我最推介系依碟榄角冰梅骨，酸酸甜甜味加上炸香后更加入味，肉质松化唔韧牙，我朋友大赞！差d成碟食哂唔记得留比我……
黑毛猪豚肉生菜包
一放上枱就闻到好香，入口都系好香，加上每粒肉粒布满均匀脂肪口感系好满足，唔夹生菜捞饭都一流，当然生菜会更加fresh，依碟生菜好爽好新鲜夹住满口香浓黑毛猪豚肉系好好味！
羊肚耳炒鲜淮山
依个配搭系第一次食，从来未食过羊肚耳，食落好爽口，原来属于菌类，含有丰富营养价值，睿私房菜总厨主张养生食疗，所以菜肴都加入健康食材。平时妈咪煲汤时先见到淮山，炒鲜淮山带点脆，有d爽萝卜feel
脆皮烧腩仔炒饭
切粒脆皮烧腩仔加上粒粒均匀蛋炒饭每啖都充满烧腩仔咸香味，菜粒中和调味。大厨认真唔手软，大大碟炒饭2个人都食唔哂打包走
地址：铜锣湾耀华街38号Zing! 28 & 29 楼全层
订座：2342 3338
WhatsApp：6037 3288
张贴
