極上龍吟海鮮丼專門店 (已結業)

去开旺角金鱼街又想食日本野，于是就去左呢间名都架势过人既日本料理店。 一入到去眼见只有两个店员，但要照顾全店既客人，其中一位以极速招呼我坐低之后又要去招呼其他客人，佢地既速度都系极速既！笔者不得不佩服。 睇过Menu，呢间店都系主打海产丼饭，选择都几多。叫个平价丼饭再食下刺身都唔错。 首先叫左个灸烧三文鱼寿司做前菜。三文鱼刚好烧成半熟半生，表面熟，底下生。一软一硬既口感几好，可惜只有一件。 主食笔者就叫左个三文鱼海胆盛丼饭。三文鱼生非常新鲜，鱼身纹理均匀。食落口感幼嫩，仲有轻轻一阵油脂慢慢渗出。海胆不太腥，味道清淡，好喜欢呢种口感。仲有只糖心蛋，煮成半熟状态既蛋最正，要一口食完又得，用黎捞饭亦得。加番少少豉油同wasabi 食真系一转眼就食哂，真系想叫店员添饭呢。 平日都没有特别留意店员既举动，但呢间店既店员好细心，亦好快手。有咩需要都会照顾得到，好似见你个杯冇茶都会主动补充。食客们品尝美食既同时亦可以留意一下，对佢地表示一下谢意。