Nafafa Thai Cuisine & Lounge (已結業)

高質泰菜今晚去左銅鑼灣食泰菜，餐廳裝修華麗雅致，但又不失泰國風，環境舒適，亦提供好多唔同酒精飲品，很適合朋友飲酒傾計。前菜菠蘿配肉碎，酸酸辣辣，係好好嘅開胃菜。炭燒泰國大河蝦係佢哋特色菜之一，河蝦好大隻，好似成隻龍蝦甘大，蝦肉爽口彈牙，河蝦仲有滿滿蝦膏，配上餐廳提供醬汁，非常滋味！馬莎文牛肉咖喱及烤餅牛肉很有牛味，配咖喱很惹味，烤餅烤得剛剛好，配上辣辣地咖喱一流。肉碎生菜包（豬）肉碎配上紅蔥頭、辣椒等炒得很惹味，辣辣地非常好食，配上生菜清爽無甘濃味，又係另一番風味。泰式奶茶及青檸梳打奶茶嘅冰都是奶茶做，好細心，讓奶茶不會因冰溶解而稀釋。青檸梳打很清爽很解膩。