影片
更多
2024-08-11
819 浏览
又到weekend当然要约朋友出嚟食饭chill吓Bookmark咗一段时间嘅Relish今日终于有机会去食隐身喺观塘工厂大厦入面上到去发现好是正好大间中间仲有个月球装置 好浪漫好啱打卡木系餐枱餐椅 中间仲有梳化位咖啡吧位置仲可以睇到barista冲咖啡6点几7点上到去都已经坐满咗大半 非常之受欢迎我哋一人要咗一个Dinner set$300-400几有starter, soup, main, dessert同drink 非常丰富餐牌系黑胶唱片造型 好特别而且每一个dish摆盘都非常有心机 超靓超啱打卡！Welcome drink系接骨木花姜啤配汤力泡沫姜味几香 饮完好开胃 唔会好似平时啲啤酒咁饮到饱饱滞滞Starter推荐由轻口味食到浓味1. 阿根廷红虾桂花青瓜果冻伴黑鱼子红虾大大只又弹牙 食落去有桂花香 上面黑鱼子提升咗鲜味2. 青柠柚子松叶蟹肉水晶脆壳水间脆壳好惊艳 松化得嚟咬落去唔会碎晒上面有大量松叶蟹 好鲜甜 加埋青柠同柚子嘅果香 唔错！3. 伏特加西瓜、刁草忌廉发达芝士、竹脆芝士脆片好特别嘅菜式 食落有少少伏特加酒味但唔重 西瓜香甜多汁 加埋芝士又有种不一样嘅感觉 好钟意上
Bookmark咗一段时间嘅Relish
今日终于有机会去食
隐身喺观塘工厂大厦入面
上到去发现好是正好大间
中间仲有个月球装置 好浪漫好啱打卡
木系餐枱餐椅 中间仲有梳化位
咖啡吧位置仲可以睇到barista冲咖啡
6点几7点上到去都已经坐满咗大半 非常之受欢迎
我哋一人要咗一个Dinner set
$300-400几有starter, soup, main, dessert同drink 非常丰富
餐牌系黑胶唱片造型 好特别
而且每一个dish摆盘都非常有心机 超靓超啱打卡！
Welcome drink系接骨木花姜啤配汤力泡沫
姜味几香 饮完好开胃 唔会好似平时啲啤酒咁饮到饱饱滞滞
Starter推荐由轻口味食到浓味
1. 阿根廷红虾桂花青瓜果冻伴黑鱼子
红虾大大只又弹牙 食落去有桂花香 上面黑鱼子提升咗鲜味
2. 青柠柚子松叶蟹肉水晶脆壳
水间脆壳好惊艳 松化得嚟咬落去唔会碎晒
上面有大量松叶蟹 好鲜甜 加埋青柠同柚子嘅果香 唔错！
3. 伏特加西瓜、刁草忌廉发达芝士、竹脆芝士脆片
好特别嘅菜式 食落有少少伏特加酒味但唔重 西瓜香甜多汁 加埋芝士又有种不一样嘅感觉 好钟意上面嘅竹脆芝士脆片 香浓脆口
餐汤同朋友一人试咗一款
Staff会即席帮我哋斟出嚟
椰香烤红菜头浓汤
红菜头味道浓郁 上面加咗少少椰汁 令成个汤层次提升咗 更香更丰富
甘荀栗子汤
甘荀同栗子两样味道都好突出
饮落去几清新 好开胃
Main要咗澳洲M5威灵顿牛柳
劲好食！大推！！
威灵顿牛柳焗得非常靓 份量好大
而且好贴心切开咗一半 方便share食
外皮酥脆唔油腻
入面唔单止得牛柳 仲有大量蘑菇
牛柳5成熟 鲜嫩多汁 蘑菇增加咗口感同味道
中间仲有一层火腿
一啖食落去会食到劲多种口感同味道
伴碟嘅沙律都好好食
有好多红蕃茄绿蕃茄同埋无花果
对于平时唔太钟意食菜嘅我 呢个沙律我会全部食晒🤣
另一个main 要咗香草芝士烤龙虾海胆忌廉汁意大利饭
好高贵嘅用料 海胆同龙虾份量都唔惹小 两个人share每人都有好大块
龙虾爽脆新鲜 海胆浓郁鲜甜
意大利饭creamy 配有大量鲜菇 加埋脆粒
又系劲多层次 口感劲丰富！
Dessert plate
豆腐芝麻柚子挞
最上面系嫩滑豆腐 中间有一层香浓嘅芝麻 顶层有柚子作点缀 外面蛋挞皮酥脆 好好食好钟意🥰
红枣桑椹意式沙冰 冇谂过红枣都可以整沙冰 红枣同桑椹都好香好有营养 整成嘅沙冰甜甜地 女仔唔好食太多冰品 呢个份量就刚刚好可以过口瘾
青梅酒薄荷气泡水 呢个青梅酒冇酒精 但作为ending非常refresh! 可以除去饱滞感
饮品试咗冷萃甘蔗咖啡
第一次试咁嘅combination
冇谂过咖啡同甘蔗都可以夹到
咖啡好香 甘蔗清甜
而且颜色非常靓 有渐层
朋友要咗柚香橘皮古树普洱冰茶
摆得又系好靓好有心机 有少少茶叶伴碟
上面橘皮成块浸落茶 饮落好清新
值得一提Staff亦都好用心提供service 不时留意住加水同收碟 上菜时亦都会介绍食法 抵赞！
张贴
