蠔灣 (已搬遷) 新店位置

朋友好钟意食海鲜，今晚就带左我来呢间专食生蚝同海鲜刺身嘅Oyster Cove食晚饭。我地除了食呢度出名嘅生蚝同刺身外，仲点左其他菜式，发觉呢间餐厅除左刺身质素高外，连其他菜式都好有惊喜！海鲜拼盘卖相精美，每一件都排列得好整齐！呢间餐厅嘅生蚝都系来自法国，而且种类好多。而呢个刺身拼盘嘅生蚝，我地就简左Honey Point,Lambert,Majestic,Le Perle Noire,Gillardeau,Belon。全都味道鲜甜，没有腥味，口感爽滑！！其他刺身有龙虾刺身、带子、海胆、北海道扇贝、北海道赤贝，全部都份量足料又新鲜，质素好高！而且食嘅时候，店员都会亲自来同我地讲解每种生蚝同刺身嘅特点同食法，态度好好！鹅肝多士鹅肝足料厚身，而且煎得非常香，入口即融，油腻感不重，配以松脆嘅多士，好食！龙虾汤过往饮过嘅龙虾汤都偏向稠身，喝完会比较饱腻。但呢度嘅龙虾汤很特别，能够做到质感不稠，却味道依然浓郁！烩龙虾意粉意粉并非普通扁意粉，而系特别用菠菜制成。几块龙虾肉都好厚，肉质非常软滑，龙虾嘅鲜味亦被保留，没有被酱汁所盖过。意粉酱味道调得好好食，当中混合了鱼子，质感都好Creamy。