南瀛水產

因为早前睇过南瀛文章报道，而日式水产店亦系我至爱，所以专程黎食一食。店内日式间隔摆设都有日本水产店风味。海鲜沙律沙律入面都有几多三文鱼，整体食落够哂FRESH。用黎做开胃前菜就一流啦。南瀛玉子烧点咗碟玉子烧，呢到嘅玉子烧会比起出面嘅冇咁甜。可以食得出蛋中加糖量不多，所以蛋味会更为香浓。东瀛五点盛五点所指的刺身分别系三文鱼、剑鱼腩、吞拿鱼、虾及帆立贝刺身。刺身颜色光泽，而各类鱼腩纹理分布不错，而且入口新鲜。当中最为鲜甜系帆立贝刺身，而且非常爽口。蚧味噌甲罗烧通常甲罗烧会烧好先会上碟只会见到一团烧好后制成品，今次可以见到未烧之前材料模样，而且仲闻到好香蟹味。蟹盖上中间会有鹌鹑蛋，旁边有味增、蟹肉及蟹籽等等配料。顺带一提系本店海烧烧物都系由职员负责系客人面前烧，可以欣赏到烹调手势。甲罗烧烧好后同一般店舖食到既好唔同，因为加入左蟹籽，令到每啖都爽口，而味增唔会太咸夺过蟹肉鲜味。活贝盛盒到最后当然系今次主角活贝盛盒，盛盒入面分别有蚬肉，生蚝，帆立贝及鲍鱼。每样海鲜在烧时店员都会加入适量清酒同酱汁提升本身肉汁味。蚬肉非常爽口，而肉质都几嫰滑。帆立贝烧过后锁住肉汁，口感佳，而且店员仲好体贴剪开几旧。