天蓬 (已結業)

以前要食好味嘅瑞士汁鸡翼/猪扒饭都要去元朗🫠，不过最近中环开咗间新嘅港式食店- 天蓬就主打巨型猪扒+瑞士汁鸡翼。餐厅搣甩茶记/港式装修形象，用薄荷绿+水磨石作主调。合晒👧🏻心意！今次就带妈妈试下先！🌟豉油王厚切猪扒鸡球饭碟饭一嚟到，惊吓度MAX🙀！点解可以咁大碟饭🫠，绝对够2个女仔Share食，以上份量已经系少饭！猪扒符合商品说明条例，实际Size同👧🏻手掌差唔多！猪扒大概半吋厚，肉质都几松软同有咬口。至于鸡球就有3大旧(一旧最夸张系大过2粒乒乓波😨)，鸡质都算嫩滑。食饭最紧要系酱汁，鼓油汁系自家调制，咸甜适中，连平时唔习惯鼓油捞饭嘅👧🏻都觉得好正！🌟瑞士汁鸡翼餐肉炒公仔面鸡翼皮肉都嫩滑，鸡皮亦够爽口，尽吸瑞士汁精华😍。至于餐肉仲要系厚切，同猪扒一样咁厚，煎得香脆！公仔面🍜质感偏爽口，同样用上酱油汁，加埋少量洋葱🧅，唔咸又惹味👍🏻。🌟炼奶西多士西多士嘅面包系用上厚多士，内层涂满花生酱🥜。新鲜热辣辣炸起，炸得金黄香脆。睇住牛油溶化🧈，再沾上邪恶炼奶，带点奶香而不过甜。