大樹燒烤 (已結業)

餐厅霸占全层，环境大坐得舒服。食烧烤串最紧要有风味调味足，热辣辣。所以每枱都有烧热炉，保暖串烧，又可以打卡。网红爆汁菬皮($33)，内地好热门，但系香港第一次见到，超级好食。菬皮少少脆，烟韧口感。内馅有酸豆角、蔬菜粒、蒜等，边食边滴汁～大推。豚肉韭菜花卷($28)，冇谂过韭菜烧完，都仲有汁，韭菜爽。连豚肉一齐咬，更香口。鲜烤白鳝($48)，一大长条，肉厚又嫩，鱼皮烤过后好焦脆，好重鱼油香味。爱鱼人士必点。炸鸡薯片($38)，鸡肉薄切，炸完超脆口，炸皮完全唔腻，真系好似食紧厚身薯片一样。大大大茄子($38)，大量蒜蓉铺面，茄子肉厚，多汁，茄子连皮食都冇苦味。甜烧大菠萝，非常多汁，鲜甜，烧完更甜。柠檬秋刀鱼($40)，秋刀香感觉上冇咁多鱼油，但肉质脆dd，本身都冇鱼腥味，加柠檬汁好开胃。其他串烧类，秘制猪颈肉($18)，厚切肉嫩，唔韧。烧爆汁牛丸($22)，霸王肥肠($18)，外皮脆卜卜，清洗干净。烧翠玉瓜，估唔到都仲keep到水份。手打鸭屎香，茶味香浓，见到侍应不断打压柠檬、青柠，酸甜口感开胃清新，解腻。整体，食完之后唔会觉得口干口渴，都唔会觉得好大油烟味。而且环境光亮，慢慢叹串烧，me