影片
更多
2015-07-16
954 浏览
其实呢间小店都开咗有一段时间，一直都无意欲去试，老实讲，心里面成日都会觉得，响葵涌广场呢种地方开汉堡薄饼店，做出嚟呃下细路就得，边会好食㗎?! 点知试过一次之后，足以完全改观!!写呢篇食评当日其实系第二次食啦。水准保持得好好，价钱亦无变。本来今日无谂住要食Burger咁heavy，其实呢个都系临时改变嘅决定，但只系食第一啖就知道决定无错。今日点咗个L3 set，澳洲谷饲牛汉堡配薯条及姜柠水。买票后坐低就得，佢哋会送过嚟俾你。好快就俾咗杯姜柠水俾我先，记得上次饮过佢嘅姜柠水，觉得好淡唔够甜，今次就真系刚刚好，抵赞。大约等多五分钟多啲，个汉堡都送到嚟啦。睇见个高度就吓亲，但按一下个包就知道系几咁松软，由于个包有烘过，所以热热地，又软又香真系加晒分，好在我口大，第一啖咬落去，食得出件厚汉堡牛肉非常重嘅牛味，超正，刚刚熟嘅牛肉非常juicy，肉汁沿住个包一路流落嚟。而更值得加分嘅系牛肉上面有块烧过嘅芝士，烟烟韧韧，配上新鲜蕃茄，生菜，同埋烧蘑菇，呢个汉堡肯定系葵芳最好食嘅汉堡。薯条亦系新鲜即炸，唔会有油益味，不过薯条份量比较少，我觉得可以再多少少。食完个好味嘅午餐真系人都开心啲呀!
写呢篇食评当日其实系第二次食啦。水准保持得好好，价钱亦无变。本来今日无谂住要食Burger咁heavy，其实呢个都系临时改变嘅决定，但只系食第一啖就知道决定无错。
今日点咗个L3 set，澳洲谷饲牛汉堡配薯条及姜柠水。买票后坐低就得，佢哋会送过嚟俾你。好快就俾咗杯姜柠水俾我先，记得上次饮过佢嘅姜柠水，觉得好淡唔够甜，今次就真系刚刚好，抵赞。大约等多五分钟多啲，个汉堡都送到嚟啦。睇见个高度就吓亲，但按一下个包就知道系几咁松软，由于个包有烘过，所以热热地，又软又香真系加晒分，好在我口大，第一啖咬落去，食得出件厚汉堡牛肉非常重嘅牛味，超正，刚刚熟嘅牛肉非常juicy，肉汁沿住个包一路流落嚟。而更值得加分嘅系牛肉上面有块烧过嘅芝士，烟烟韧韧，配上新鲜蕃茄，生菜，同埋烧蘑菇，呢个汉堡肯定系葵芳最好食嘅汉堡。
薯条亦系新鲜即炸，唔会有油益味，不过薯条份量比较少，我觉得可以再多少少。
食完个好味嘅午餐真系人都开心啲呀!
张贴