Homemade Pizza (已結業)

放假去咗葵涌廣場度掃街，除咗食小食之外都搵左間餐廳食個午餐。主要都係少食多餐聽嘅咪咁多最後就揀咗依間 Homemade Pizza。叫咗個漢堡包，有薯角，價錢平不過份量好少，食唔飽😂我就叫咗pizza不過食到一半先記得影相哈哈。雖然佢個名叫Homemade pizza，不過無乜令人驚喜嘅元素普普通通～

好耐無黎葵涌廣場，今次為左食野而黎，目標係焗薯。其實想試試漢堡包，但為左留肚試其他新店，所以只order 1 件pizza同焗薯 2個人食少少。pizza一般般，以1 件價都算貴，但餅底同芝士真係好好味。焗薯無得選擇得1 款，芝士醬超多超好味，但肉碎好少呢！薯仔唔知係咪焗得過熟呢？有少少黑黑地，但唔影響味道，好味，如果有多d款既焗薯就更加吸引。因為我係1個薯仔芝士狂，呢款又係我最鍾意既芝士醬正呀另外焗薯跟左少少薯仔粒，賣相唔太吸引，點知食落好好味，落左少少鹽味整，我重以為無乜味道既薯粒，真心估佢唔到係好入味。希望下次黎可以試下漢堡包

我同朋友叫咗兩份lunch,個餐係包檸檬水.分別要咗原味同薑味.飲落酸度同薑味都唔突出.不過清清哋都OK.原隻焗薯,上面有煙肉,蔥,芝士碎同sour cream,另外仲有炸薯條,係一份非常多澱粉質,非常飽肚嘅餐.穀鉰牛漢堡包,賣相都幾靚仔.個麵包都幾厚同鬆軟,芝士就半溶,睇落似係薄餅成日用嗰啲碎芝士,而唔係片裝芝士.入面仲有番茄,生菜同蘑菇,夾埋一齊食好似中和咗啲膩感.主角穀鉰牛漢堡就非常大件同扎實,不過食起嚟無咩調味,仲有啲淡,只係靠芝士同其他材料嘅鹹味而令佢有少少味.唔,可能薄餅先係佢哋主打...

呢d同平時漢堡包不同，在於塊牛同d配菜新鮮d漢堡包幾鬆軟，咬落不太林最重點係漢堡牛扒，好重牛味亦好鮮味，鬆軟林身亦有咬口有d沙律、磨茹類似的醬汁，更顯牛肉鮮味蕃茄、生菜好新鮮，應該係即開，帶水份不乾薯條冇大特別，普通炸得香脆檸檬水比較淡口，夠涷

第一次黎食果時真心唔錯...但今日晚飯時間黎食beef burger..塊beef 一咬落去脆嫁！個底好似有塊餅咁！根本成塊肉就over cook!唔好話肉汁！連芝士汁都滴唔到出黎! 睇佢只係54蚊份上..費時嘈..但以後！永遠！都唔會再食

蒜蓉薯條 $20.葵涌廣場掃街系列.上次食過紅噹噹既香辣薯條番尋味😋所以我今次食埋好多人都覺得好食d既蒜味❗️.一如以往店員態度愛理不理 唔同既係加左價 加左$4😂 周圍加價但我人工冇加呀喂😂 不過價錢算係咁同埋我幾中意食即叫即炸既薯條 所以都係要食😌.勁香蒜味 但其實得頭個幾條灑上左蒜粉 香就好香但食落冇乜蒜味 喜愛重口味既我係感到失望🙈 餘下既薯條都要奶茄汁先冇咁dry❗️有時真係要相信自己直覺唔可以信人.anyway係炸得幾好食既 但冇乜味道 唔夠熱氣既感覺

又係下午茶時間葵芳廣場咁多間食店在下午茶時間, 都係鐘情於Homemade Pizza  下午茶餐--夏威夷薄餅配薯角E度既PIZZA真係幾好味, 底好薄，咬落脆口上面舖上芝士, 芝士既香味+洋蔥爽脆帶少許辛辣的口感好食好食 下午茶餐--吉列豬扒漢堡包配薯角之前食過佢出名既澳洲穀　牛漢堡包+檸檬水，都幾好味今次就試下吉列豬扒漢煲漢煲內的蔬菜好新鮮清爽吉列豬扒都炸得唔錯裏面既漢煲包醬唔知有咩,我覺得好好味加好醒胃 原味/薑味 檸水今次薑味既顏色深左, 味道都比上次濃左少少建議佢地落凍份量可減一半,因凍到飲唔到檸味

今日六點前去到葵涌廣場內的homemade pizza, 仲趕得到食下午茶。點了一份泰式香辣雞扒漢堡包餐，餐飲係凍薑味檸檬水(HKD43)。等咗五分鐘左右就有得食，個包好鬆軟好好味，入面塊雞扒唔算厚，不過炸得剛剛好，加上泰式甜酸醬但有少少辣的，完全沒有油膩及熱氣的感覺。跟餐的薯塊就普普通通，有啲腍同埋份量太少。凍薑味檸檬水原來是有汽的，好似Lemonade，還以為是茶餐廳的檸水加薑，不過好好飲。整體來說十分出色，一定會再光顧！👍

之前行過好多次呢間鋪頭見到好多pizza都好想試今次終於入黎試下漢堡包澳洲穀飼牛漢堡包+凍檸檬水$54仲有薯粒漢堡包略嫌太大個,都幾難一啖放哂落口最正係漢堡牛肉,好juicy而且係剛剛煎熟,熱辣辣仲有生菜,蘑菇粒同唔知咩醬薯粒鹹鹹地,唔太熱氣要加埋薯粒要夠飽如果得漢堡包就唔多夠凍檸檬水同茶餐廳檸水唔一樣味道唔太記得

澳洲牛肉漢堡 炸薯粒 檸檬水 ($52)叫完好快有得食 都算係熱的不過薯粒預先炸好已不脆漢堡包大塊但其實是漲漲的空氣包 一壓就扁有蕃茄蔬菜不過就冇咩醬 單靠芝士調味略嫌不足牛肉漢堡排雖然夠多汁不過味道淡然無味整體未會太油膩但完全不夠惹味感覺失望薑汁檸檬水微甜也頗為解渴 淡淡的薑味意外清意脱俗Rating💁(5.5*/10*)< 簡單焗。 芝薯 >美國原隻焗薯 炸薯粒 薑汁檸檬水 ($32*)確實係整隻薯仔不過係mini size 上面有芝士醬煙肉叉下去脆身但不是太腍 油膩感適中不過味道偏淡芝士醬略為少不夠沾滿薯仔肉 煙肉不太油但乾身薯皮都食得唔太柴皮 起碼比不脆的薯粒易入口份量下午茶啱做午餐就少 食少少不如再掃街Rating(6*/10*)

香辣薯條 $16.冇睇錯$16真係有咁多😱 行過唔係俾pizza吸引而係薯條😍因為紅噹噹一睇就知好重口味😍😍 其實我好鍾意食shake shake薯條😁 所以怕熱氣都要食！.因為新鮮整出黎 所以都等左一段時間😛 果然冇令我失望 夢條雖然唔算炸到好脆但夠熱 加埋d辣粉真係好正😋不過我略嫌辣粉灑得唔夠均勻😌如果再重口味d一定好正😁.$16 其實我都算幾滿意✌🏻️

今日去葵芳行街，行到好肚餓，但又吾想掃街，所以周圍睇下有咩好食。 行到葵涌廣場2樓見到呢間餐廳既pizza好似好吸引，於是就決定食呢間。但坐低後見到相原來只係得一塊細pizza，我一定唔夠飽，所以試下呢度既burger。我地叫咗澳洲穀牛漢堡包，泰式香辣雞扒漢堡包，焗薯同熱朱古力。2個burger都有薯角跟，薯角好鹹唔好食。個Beef burger勁好食，完全係外國味道，牛肉好實，好厚，好多肉汁，而個包同平時係香港食既亦好唔同，鬆軟好多。雞扒漢堡包既雞扒好大份，炸得啱啱好，而且好多泰式酸辣醬。每咬一啖都有酸酸地辣辣地既味好正。可以係葵涌廣場食到咁外國味道既burger都算係一大驚喜!

行葵涌廣場行到攰想坐下入呢間試下又幾抵食 著校服仲有學生餐 廿幾三十蚊午餐時段都是連lemonade的澳洲穀飼牛漢堡+細薯角($48)這個漢堡性價比很高 有芝士 蘑菇 鮮蕃茄 同生菜嫩紅色的牛肉十分juicy啖啖都有肉汁 有驚喜架薯角都唔錯唔會話油淋淋咁 但如果更脆就更好 焗薯加細薯角($32)唔好睇佢薯仔細細 個樣好似好少野甘但其實有好多芝士架 又唔會好漏好味又飽肚 食個晚餐都五十蚊內搞掂

見到呢間餐廳咁多篇食評都讚既牛肉漢堡包，所以我決定一定要試下，今日午餐叫左澳洲榖牛漢堡包+小薯粒，配凍薑檸檬水 ($52), 牛肉非常juicy，完全冇鞋口既感覺，配合鬆脆既麵包及半溶既芝士，簡直一流~~~

其實路經過呢間鋪頭好多次， 但係因為見佢位置唔多， 所以次次都冇試。 直到今日，見佢廚師推介係牛肉漢堡，於是就入左去試下。侍應一送過來， 我即刻試食，嘩嘩嘩! 佢個牛肉好juice，薯角好新鮮， 味道同價錢都係非常驚喜。 感覺係一間用心的小店， 下次會再去試其鎮店之寶Pizza.