Burger Joys (士丹利街) (已結業)

平日去中环多数都系去cafe，今日就试下唔同嘅口味，去食汉堡包。由于唔系好肚饿嘅关系，我同朋友叫咗两个包然后其中一个upgrade套餐share食。虽然铺仔细细，但系餐厅服务非常之好，order 之后会畀个牌我哋，等店员准备好之后就会拎嚟畀我哋食。餐厅仲提供唔同口味嘅酱随大家调配。朋友就叫咗个鱼柳汉堡，鱼柳炸得非常香脆，而且比某大牌子嘅鱼柳大块同实净，仲加咗丰富同健康嘅配菜。我就叫咗一个牛肉汉堡，同样地有唔少配菜，但系最深得我欢心嘅，系佢juicy嘅牛扒，食落去啖啖肉。个包松软之余有少少烘底，睇得出餐厅嘅心思。最近迷上咗睇Cooking with Paris，见到佢哋食洋葱圈我都心思思，所以今次冇叫薯条，改食洋葱圈，脆得嚟甜甜地，又唔会有太多炸粉，绝对系薯条以外嘅一个好选择。食咗咁多热气嘢，我哋就叫咗罐椰水做餐饮下一下火。