潮藝館

营业中

休息中

行完尖沙咀决定同屋企人食潮州菜，呢间新开嘅潮艺馆，装修好舒服，服务都好好。我哋要咗个普宁炸豆腐，外脆内热，炸得好好食，点咗盐水就唔会觉得好热气。沙嗲牛肉炒芥兰，啲牛肉好腍，沙嗲汁唔会太咸，芥兰都好新鲜。胡椒猪肚汤饮落有少少胡椒嘅辣味，猪肚好干净，一啲都唔腥，仲有咸菜都好好食。怀旧春菜煲份量都几多，春菜煲到冧晒，仲有少少肥猪肉，好好味。蚝仔肉碎泡饭嘅份量好多，入面嘅蚝仔都几肥美，有少少姜丝同埋肉碎，连我麻麻哋钟意泡饭，都觉得好食。燕麦一口薯份量啱啱好，紫薯暖暖哋，加埋甜甜地嘅燕麦，食落好特别。见到佢有啲大张嘅圆枱，如果钟意潮州菜，就可以叫多啲人一齐嚟食啦。