潮盛館

营业中

休息中

昨晚跟朋友到觀塘潮盛館食晚飯，雖然食肆座落在觀塘時運工業大廈，但入口由觀塘道入，亦不難找到！一入到去就看見牆壁上有張清明上河圖，很有格調！場內大中小枱分佈平均，坐得都舒服，沒有壓迫感👍從廚房廚窗見到一隻隻肥大嘅滷水鵝，於是急不及侍地叫了一碟滷水鵝片，再加一碟雙拼，牛腱拼墨魚🦑鵝肉嫩滑，味道不錯，最令我感到特別嘅是墨魚片，它不是平時食開一片片薄薄的，而是厚厚的，好有嚼口👍賣相超凡嘅鹽香雞，可以睇出廚師嘅心思，除了將隻雞🐔切得工工整整之外，更將最厚嘅雞胸肉切出部分𠝹成一對翅膀，放在碟上兩旁，營造出比翼雙飛的效果，賣相相當吸引😍今餐最令我欣賞就是潮盛拔絲咕嚕肉，不但賣相了得，連伴碟嘅菠蘿也選用新鮮菠蘿，盛放在菠蘿蓋上🍍至於咕嚕肉就無得頂，咬落酥脆爽口，味道恰到好處，酸酸甜甜，送飯一流🎉另外我哋叫左兩碟菜，一碟係蝦醬通菜鮮魷，不過不失；另一碟睹睹芥蘭煲，略嫌過火，芥蘭稍腍😅總括嚟講呢間潮州菜館，價錢合理，又免茶芥加一，值得一試！