陳儀興飯店 (嘉悅)

营业中

休息中

要系香港揾潮州打冷都唔系一件容易既事，所以好开心近屋企果头揾到依间「陈仪兴饭店」，睇介绍原来佢地既总店系新蒲岗已经开咗50几年，所以相信应该都会唔错。7点几黎到已经坐无虚席，要等一阵先有位，但坐得都几阔落几舒服下。今次两个人食，叫左3样野食再加炖汤已经饱到连甜品都食唔落😆 炖汤虽然要$68一位，但用料十足，有一半都系汤渣，汤味都非常之浓，所以贵少少都抵俾。食潮州野一定唔少得卤水鹅同埋蚝饼，卤水鹅肉够厚，唔会剩系得骨，肉质都非常嫩口，卤水汁送饭一流。蚝饼个人就觉得可以再多少少蚝仔少返少少粉就perfect，但用既蚝仔都非常鲜味👍🏻最后都要同大家推介返避风塘炒蚬，初初叫既时候都惊会好细份，但上碟见到都几丰富，中意食辣既朋友仔唔可以错过，因为辣度似食紧平时川菜既麻辣加左炸蒜香味。