火鍋本色 (已結業)

同朋友食饭，最开心就系打边炉，一齐烚吓烚吓。今次拣左最方便既铜锣湾，之前都有去过火锅本色旧铺，今次第一次去新铺，同样有惊喜。叫左个好抵食既6人餐，一个价钱全包宴，已经包左汤底、饮品、食材、同加一，每人除开$300有找。黎到都系先黎个靓靓调味盘，自己混酱有齐海鲜拼盘、牛、猪、鸡等，仲有其他丸、云吞/水饺、蔬菜篮。最惊喜系海鲜拼盘，大堆头制作，一大盘有齐蛏子、海虾、鲍鱼、蟹同蚬，全部都好新鲜生猛，上枱仲会郁。蚬肉好正，大大粒又冇沙，劲鲜甜肉类黎讲，牛肉有惊喜，肉纹同油脂分布好靓，入口牛味浓，有咬口。而其他杂项，最钟意系云吞/水饺同样大大粒，包满胀卜卜馅料，好饱肚。炸酿油炸鬼系第2样最爱，油炸鬼酿入弹牙虾胶，放汤后索满汤汁，口感好丰富。6人餐真心坚平+抵食，个个都食饱饱，每人除开$300有找