火鳳凰火鍋料理 (已結業)

今日同朋友去打边炉庆祝佢生日，咁高兴就梗系要食吓好嘢啦，我哋点咗老板推荐嘅餐厅最受欢迎嘅「豪华必选套餐」，高质又抵食！😆首先，上枱嘅系一大盘嘅象拔蚌，刺身用超多冰镇住，所以非常新鲜，咬落去chokchok声好爽。🐟之后，上枱嘅系安格斯牛肩胛，肉质又嫩滑，肥瘦适中，牛味又够浓，啱晒打边炉嘅极品牛肉。🥩呢度嘅汤底有沙嗲、蕃茄等，而我哋就点咗较滋润嘅汤底，就系椰子鸡煲，上枱嘅时候竟然系一个椰青咁上，倒新鲜嘅椰青水落个煲度，超有心思，唔怪得饮落去咁清甜，煮耐咗之后仲突显左鸡嘅鲜味，鸡肉嫩，椰子肉好多。🥥如果你系丸类控，就一定要点呢个黑松露墨鱼丸，口感弹牙十足，而且入边粒粒墨鱼肉，伴随嘅黑松露香气，另外，蟹籽鲜虾滑都非常推荐，虾滑入口好滑好弹，而蟹籽充满鲜味。🦐呢间打边炉餐厅真系惊喜连连，环境舒适，食材新鲜，不单止味道出色，价钱亦相当亲民，而且老板亲切热情，下次一定会带埋朋友聚会再嚟！👍🍲