淥鼎記

营业中

休息中

今日嚟到观塘嘅「渌鼎记」，地点方便，方便一班朋友嚟打边炉！但原来除咗打边炉之外，仲有好多其他唔同嘅嘢食😋😋今次我哋拣嘅呢个叫小宝套餐，除咗打边炉任食之外，仲可以喺椰子鸡，鸡煲，酸菜鱼，烤鱼等等叫一个主菜，我哋最后拣咗酸菜鱼。上到枱嘅时候真系冇谂过份量咁大！！入边系超多鱼，而且味道都好正宗，同出边嘅酸菜鱼专门店味道差唔多！完全系意料之外～边炉汤底方面因为已经叫咗酸菜鱼，所以就要叫个清清地嘅澳门猪骨锅，但汤底嘅材料都完全冇手软，用几嚿大大嘅猪骨去熬汤，超入味🤩🤩配料方面一般边炉有嘅配料全部应有尽有，而且菜系一份份包好好新鲜，而且感觉好卫生👍🏻饮品方面都有好多唔同嘅选择，但系价钱都只系百几蚊，真系非常抵，性价比极高！