小魚兒 (寶漢大廈) (已結業)

餐厅：小鱼儿地点：铜锣湾波斯富街菜式：川菜餐牌：烤鱼（先选鱼，然后选烤鱼口味，再选火锅配菜），冒菜，鸡煲，酸菜鱼，厨师推介，BBQ烧烤，小食，冷盘，甜品等。落单用QR code。海鲈鱼 $308 另加一烤鱼用个火炉系枱上面滚，服务员提示滚起之后三分钟后就可以食。烤鱼有四款拣，海鲈鱼系最平，但系质素已经超好，食落肉质细嫩，厚实，非常嫩滑。条鱼都好大条，好多肉食，应该煎完先上碟，无炸过。烤鱼口味我地拣左黄金特浓蒜香豆花，系唔辣既，果然有好多美味蒜子，蒜蓉同葱花，味道好好，唔好辣人士必选。其他口味仲可以拣辣度同麻度。其他配料有洋葱圈，滑溜豆腐四砖，青瓜片，芽菜，面头仲有芫荽。原来下底有宽粉几条，非常烟韧，好正！鸭血 $68 另加一加左鸭血，一客9切，口感超爽脆而唔腥。烧安格斯牛肉粒 $78 另加一烧安格斯牛肉粒一串七粒，烧得外脆内嫩，有好多肉汁，口感唔错。味道我拣左香辣BB辣，都几辣下，带有淡淡孜然粉味。串烧有好多辣度拣，非常体贴。下底垫有新鲜菜苗。座位舒适，服务正常，枱上面有水自己加。今餐试左所有食物都好食，期待下次再黎。