貊炙

营业中

休息中

💡高质熟成扒房提起韩式烧肉，呢间系心目中不二之选，最近推出韩牛精割品味体验TASTE OF HANWOO BUTCHERY，师傅会到席前切割肉品，视觉同味觉同样享受。店员亦好好咁帮你烧埋，非常贴心。不过要留意呢个套餐只限星期六日晚市供应。🍽韩式前菜包括：泡菜、芽菜、菠菜、菜脯等，前菜可以不停refill，餐厅非常有诚意。🍟韩式小食拼盘烟肉拼薯条，热辣辣好脆口🍽️Main5款稀少韩牛部位🥩🐂板腱肉 - 肉味十分香郁，肉质有咬口。🐂翼板肉 - 位于牛肩位置，肉质软腍多汁。🐂肩胛里肌 - 由脂比例岩岩好。🐂特级牛小排 - 特选最肥美嘅牛小排，肉质超腍嫩，入口即化。🐂沙巴当 - 霜降级嘅油花，肉味最浓郁。🍚韩牛脂饭呢个真系好好味，必食，以韩牛嘅牛脂作主角，牛味好重，同时又有麻油香，捞埋饭食好滋味。🐝蜂蜜雪糕 以天然蜂蜜蜂巢作调味嘅雪糕，好幼滑，作为今餐一个终期，好满足!!🥂是日精选韩国酒套餐会包每人一本韩国酒，经经店员介绍后，选左Red Monkey Makgeoll 及Citron Soju。两只都好易人口。