影片
更多
2023-07-04
4661 浏览
💪🏻 琵琶鹅 ($880)(需提早预订)琵琶鹅同普通烧鹅唔同，会将切开一半，再秘制酱汁去腌同吊干，之后先再拎去烧，外观就似一个琵琶，所以非常花功夫，心机小菜。烧鹅烧得个皮非常脆身，而且鹅嘅肥膏都好厚，鹅油味香浓🤤 即使减肥都要试一旧连皮🤣 而且肉质都烧得啱啱好，肉质嫩滑多汁😋 佢个酸梅酱都偏酸，所以可以中和番烧鹅嘅油腻。但食得太多都会觉得济。💪🏻 腐乳流心虾丸($218)呢个虾丸比较特别，用腐乳酱做馅，腐乳味同虾丸都好夹，唔会觉得奇怪，腐乳味香😝 不过腐乳酱偏稀，个人认为如果杰身少少就可同虾丸一齐食得更好。💪🏻 意大利黑醋肉排($208)意大利黑醋好香，酸味突出，所以食落甜甜酸酸好开胃😋 肉排唔多骨，啖啖肉，而且冇特登炸脆外面，唔会食到粉浆。💪🏻 大良炒鲜奶($168)呢个小菜有少少失望，炒鲜奶冇奶味，调味都唔足够，偏淡，感觉似食赛螃蟹，唔推荐！💪🏻 勾魂叉($188)呢个勾魂叉特别之处，系会系食之前再用陈皮南乳百花蜜酱搽系叉烧面，之后再用火枪烧㶶佢，呢个过程打卡一流🤣 呢个蜜酱声称用15年陈皮制成，食落有淡嘅陈皮香味，但如果点太多都会偏咸。叉烧刚烧完就即刻食，带有少少焦香，非常香口，
💪🏻 琵琶鹅 ($880)(需提早预订)
琵琶鹅同普通烧鹅唔同，会将切开一半，再秘制酱汁去腌同吊干，之后先再拎去烧，外观就似一个琵琶，所以非常花功夫，心机小菜。烧鹅烧得个皮非常脆身，而且鹅嘅肥膏都好厚，鹅油味香浓🤤 即使减肥都要试一旧连皮🤣 而且肉质都烧得啱啱好，肉质嫩滑多汁😋 佢个酸梅酱都偏酸，所以可以中和番烧鹅嘅油腻。但食得太多都会觉得济。
💪🏻 腐乳流心虾丸($218)
呢个虾丸比较特别，用腐乳酱做馅，腐乳味同虾丸都好夹，唔会觉得奇怪，腐乳味香😝 不过腐乳酱偏稀，个人认为如果杰身少少就可同虾丸一齐食得更好。
💪🏻 意大利黑醋肉排($208)
意大利黑醋好香，酸味突出，所以食落甜甜酸酸好开胃😋 肉排唔多骨，啖啖肉，而且冇特登炸脆外面，唔会食到粉浆。
💪🏻 大良炒鲜奶($168)
呢个小菜有少少失望，炒鲜奶冇奶味，调味都唔足够，偏淡，感觉似食赛螃蟹，唔推荐！
💪🏻 勾魂叉($188)
呢个勾魂叉特别之处，系会系食之前再用陈皮南乳百花蜜酱搽系叉烧面，之后再用火枪烧㶶佢，呢个过程打卡一流🤣 呢个蜜酱声称用15年陈皮制成，食落有淡嘅陈皮香味，但如果点太多都会偏咸。叉烧刚烧完就即刻食，带有少少焦香，非常香口，而且叉烧用靓梅头制成，每旧非常厚肉，食落超级腍，肥瘦均匀，肉汁丰富🤤 劲想再encore嘅一个叉烧🥹
侍应都建议可以连埋白色脆米一齐食，但食落冇太大分别。
💪🏻 萝卜糕炒蟹($418)
蟹唔算多肉，但有蟹嘅鲜味😋 萝卜糕应该系餐厅自家制，好足料，而且炸到外皮脆身，再同蟹一齐炒，粒粒均衡，唔会炒到烂晒，微脆嘅外皮食落口感丰富，捞埋炒蟹嘅酱汁够晒鲜味。
💪🏻 啫啫芥兰煲($138)
啫啫煲系用虾酱去整，上枱时已经超香虾酱味😍 芥兰配虾酱嘅咸鲜味系好夹，唔会先太大咸，而芥兰都煮得够淋，炒得好有镬气！
💪🏻 炸瑶柱丝蛋白炒饭($188)
满满嘅瑶柱丝，而且炸到脆卜卜，非常香口，配埋蛋白饭一齐食口感丰富！ 唔洗𩠌捞饭都可以食晒一大碗😋
整体黎讲，呢间中菜系几高，由其烧味/传统菜式做得几出色😋 所以都适合一家人过时过节黎食都可以。不过部分菜式嘅价钱都偏贵嘅。
味道：8/10
性价比：4/10
食住瘦指数：💪🏻/5
琵琶鹅
70 浏览
0 赞好
0 留言
勾魂叉
70 浏览
1 赞好
0 留言
意大利黑醋肉排
65 浏览
0 赞好
0 留言
萝卜糕炒蟹
56 浏览
0 赞好
0 留言
腐乳炸虾丸
35 浏览
0 赞好
0 留言
大良炒鲜奶
18 浏览
0 赞好
0 留言
啫啫芥兰煲
17 浏览
0 赞好
0 留言
炸瑶柱蛋白炒饭
20 浏览
1 赞好
0 留言
张贴
