大美督嘉年華燒烤

营业中

休息中

最近听朋友讲大美督有间烧烤乐园唔错，所以今日就同咗几个朋友仔一齐嚟试吓，拣咗闲日嚟因为红日一定多人到爆。烧烤场门口就已经有大量泊车位超级方便，烧烤场提供三种烧烤方式，分别系韩式烧烤、重庆串烧同港式烧烤，咁嘅方式都几创新。烧烤场面积相当大，座位亦相当宽阔，怕太阳晒嘅话可以选择错有盖位置。食物方面都几多选择，如果系素食者都唔使怕，因为餐厅都有提供素食烧烤食物，而且食物都由职员喺雪柜夹俾你，所以卫生情况非常好。场内嘅士多除咗提供饮品外，仲有薯片、公仔面、杯面都一应俱全，而且仲有小朋友玩具同超级重要嘅外置充电器可供租借添，租借充电器呢个服务真系相当贴心。如果小朋友唔买士多嘅玩具都仲可以玩场内嘅游乐设施，而且园内仲有一大个草原。