睿和牛燒肉 (已結業)

今日同朋友去咗间位于大坑嘅日式烧肉店，餐厅都几隐世feel，位置又唔多，想嚟最好预先订座。价钱都几合理，食物种类又多。枝豆 - 前菜先来碗枝豆，个枝豆都几新鲜，味道清甜。柑桔醋配海蜇- 呢个几特别，海蜇好爽口，配埋柑桔醋，酸酸甜甜咁，越食越开胃。鳕鱼鱼竿 - 估唔到呢个鱼竿嘅鱼味几重，沾上沙律酱真系一个唔错嘅佐酒小食。深海池鱼刺身 - 个刺身真系好鲜甜同弹牙，唔怕无味，值得叫。然后我哋嗌咗八件寿司🍣试下，有鲷鱼、油甘鱼、深海池鱼、赤贝、银鳕鱼、大拖罗、赤身同三文鱼籽。全部都系我嘅最爱😍 全部都好肥美、新鲜同鲜甜。我最钟意系大拖罗同三文鱼子。平时食大拖罗会觉得好肥腻，个脂肪位仲要咬唔开。呢个寿司完全冇呢个问题，肥美得嚟仲一啲渣都冇。三文鱼籽大大粒，全部都好新鲜，仲有好多汁。之后就到主角烧肉喇！😍😍😍有和牛牛顶盖、和牛三角嫩肉、牛颈脊、和牛厚切西冷、和牛厚切肉眼、和牛牛排肉同埋厚切牛舌。和牛就系入口即溶，牛脂味真系爆晒灯，肥瘦分明之余一啲韧感都无。不得不提个厚切牛舌真系好有惊喜，真系坚厚切，仲要爽口弹牙，更加连一啲骚味都无，好难忘。钟意浓味啲嘅可以试下点烧肉汁、味噌或者盐，不过我就偏向咩调