Running 燒 (已結業)

好耐冇食过放题，今日同朋友去将军澳popcorn商场食韩烧放题，其实之前去过旺角食呢间Running烧觉得唔错，所以试下将军澳呢间。Popcorn商场去到popfood上二楼，店员安排左我地坐卡位，卡位坐位枱面都好宽阔，坐低scan左QR code order先。肉有牛、鸡、猪、羊，我最钟意烤肥牛同雪花牛仔肉，大大块、啖啖肉，肉质仲好鲜嫩。猪颈肉都好正，烧到油脂融化，肉质又香又脆！海鲜都好新鲜，种类都唔少，有生蚝、扇贝、带子、虾、鱿鱼等等，芝士生蚝好好食，不过我地唔系好识分熟唔熟，烧耐左，但味道都仲好鲜甜，加d蒜蓉好惹味！带子同扇贝都大大粒，好鲜美，好有矶烧元贝feel!除左烧肉、海鲜，仲有唔同熟食可以点，点左两件柚子味炸鸡，都几好食。其他熟食仲有乌冬面、冷面、饺子、温泉蛋饭等等。有自助区可以自己攞d蔬菜配料，有好多种蔬菜，攞左d烧汁、酱油同蒜蓉，烧肉加蒜蓉好正！有各款甜品、雪糕、饮品，仲有汤，攞左碗养生鸡汤饮，几滋润清甜。食埋杯芒果布甸真系好饱满足！