影片
更多
2023-05-11
388 浏览
同朋友洗尘，一于去食下火锅，牛摩之前都食过，水准一直都吾错，所以就叫朋友去依间！入到去见到环境都系宽敞，然后入面有一个好似鸟居咁样嘅方式牛肉方面就嗌咗个，美国牛小排套餐。同朋友分别就一人一锅，感觉好似卫生啲，点餐方面可以用电话落单之外亦都可以出去嘅自助吧去攞蔬菜豆腐同埋饮品等等。全部都好丰富同好齐，饮品方面除咗沙冰之外仲有咖啡同埋唔同地方嘅果汁，可乐，竹蔗茅根呢啲当然都不在话下啦。汤底方面，朋友就叫咗昆布鲣鱼清汤底，比较清甜，高汤清澈，味道偏淡，更加衬托火锅煮料嘅味道。我就叫咗个蕃茄薯仔锅，入面嘅蕃茄味都好浓郁，而且薯仔经过煮咗一排之后都非常之腍，可以索晒其他配料嘅味道！肉类基本上可以叫晒所有款，咁就叫唔同款试下呢，美国牛小排系牛胸腔附近嘅肉。餐厅上枱嘅牛小排肉质鲜嫩、油花分布平均，脂肪呈现出大里石纹。口感非常柔软。食落去相对上虽然肉味唔算太重，但系肉质嫩滑到会系咁想再食落去。美国和牛口感比起牛小排油脂更加丰富，脂肪雪花更多，因此油脂更多，令牛肉更加有肉香，肉味更重。牛舌片得非常薄，所以唔会好难咬。相反肉质爽滑、弹牙又爽口，而且牛味重之余，并唔会有腥味。羊卷肉肥瘦比例适中，肉质鲜嫩多汁
汤底方面，朋友就叫咗昆布鲣鱼清汤底，比较清甜，高汤清澈，味道偏淡，更加衬托火锅煮料嘅味道。我就叫咗个蕃茄薯仔锅，入面嘅蕃茄味都好浓郁，而且薯仔经过煮咗一排之后都非常之腍，可以索晒其他配料嘅味道！
肉类基本上可以叫晒所有款，咁就叫唔同款试下呢，美国牛小排系牛胸腔附近嘅肉。餐厅上枱嘅牛小排肉质鲜嫩、油花分布平均，脂肪呈现出大里石纹。口感非常柔软。食落去相对上虽然肉味唔算太重，但系肉质嫩滑到会系咁想再食落去。美国和牛口感比起牛小排油脂更加丰富，脂肪雪花更多，因此油脂更多，令牛肉更加有肉香，肉味更重。牛舌片得非常薄，所以唔会好难咬。相反肉质爽滑、弹牙又爽口，而且牛味重之余，并唔会有腥味。羊卷肉肥瘦比例适中，肉质鲜嫩多汁，口感细滑多汁，羊膻味甚至好少，不羊骚味嘅朋友亦都不妨一试。
套餐仲包咗海鲜，蟹籽墨鱼滑可以等自己控制每一粒墨鱼滑嘅大小，又好玩又好食。爽滑弹牙，鲜香滑溜，味道鲜甜，仲冇腥味，仲有好多蟹子所以就可以有爽口嘅口感。扇贝大大粒，味道鲜甜浓郁，有少量海水味，但冇沙同腥味。肉质亦因为大粒而厚实腍滑。青口亦都系大大粒就算煮熟咗之后唔会话缩水缩得好犀利，
酱爆濑尿牛丸粒粒弹牙，咬开后更发现肉汁丰富，当中有牛骨汤及粒粒蒜蓉，多汁又有鲜味。麻香贡丸同样鲜甜，多汁弹牙有嚼劲，香菇味突出。与此同时，贡丸亦有香辣嘅味道，更加能衬托出猪肉嘅鲜味。
牛摩而家做紧台湾祭，朋友叫咗台湾芝士牛肉贡丸同样弹牙爽口，牛肉味香浓，肉汁丰富。加上热辣辣嘅流心芝士，芝士味浓郁，口腔内咸香充足，另人回味无穷。台湾制仲有珍珠奶茶同埋卤肉饭等等，不过就食唔落啦，下次再嚟食啦。
佢再叫咗个牛摩饭，其实即系免治牛肉饭，加上紫菜碎及另叫嘅日本温泉蛋。份量适中。温泉蛋流心，拌饭一流。加上免治牛肉肉味鲜美，每淡都食到浓浓嘅牛肉鲜甜味。
饮品方面沙冰够晒冻，唔会系一滩水，果汁亦唔会觉得系化学嘅味道。
临近食饱就梗系食甜品，我又系拣咗好玩又好食嘅云呢拿雪糕，自己织出嚟可以控制份量之余又可以训练下自己唧雪糕嘅技巧，再加上可以任落配料，雪糕够浓味又好食，食完一杯再食下一杯！ 朋友叫咗朱古力蛋糕、泡芙及提子味啫喱，朱古力蛋糕入口顺滑松软，似慕丝，味道唔会太甜，反而有少少可可豆嘅甘味，食落不会觉得腻。泡芙有朱古力酱及卡士酱两只味，外皮酥脆，入口即化，两款内馅嘅泡芙都可以一淡ko, 口感清新。提子味啫喱味道偏甜，口感弹牙，提子味道香浓。
见佢做紧个消费券优惠，好似八达通咁样畀一千蚊增值就有二千蚊嘅现金同产品quota卷，都可以同朋友睇下买唔买返个，下次再食！
张贴
