牛牛日式火鍋放題 (海之戀商場) (已結業)

去咗海之恋商场嘅「 牛牛日式火锅放题」食午市火锅放题🧡觉得依到无论用餐环境丶服务同埋食物质素都好唔错👍🏼我哋坐喺见到海嘅卡位，感觉特别正！午市火锅放题有60或90分钟用餐时间拣，我比较钟意慢慢狂擦，拣咗90分钟👍🏼然后我地拣咗［澳洲产顶级长期谷饲牛］放题餐（每位＄218）依个餐任点嘅肉类除咗有「澳洲谷饲牛」，仲有「美国顶级牛肉」丶「严选特级牛肉」丶「绿之草原羊肩肉」同埋「丹麦皇冠豚梅肉」💗澳洲谷饲牛有牛味又滑嫩，羊肩肉我都好钟意，味浓不膻～用手机QR code落单，点完转个头就即刻到👍🏼上菜速度好快，可以食好多round😆汤底一人一锅，新口味「芫荽鱼白锅」落咗好多芫荽，好香好正！另外拣咗人气「豆乳锅」，豆香浓郁👍🏼养颜之选！另外配料以自助形式在雪柜自取，摆放得非常整齐💗，雪柜好够冻，感觉好新鲜👍🏼蔬菜方面有好多选择，有我好like嘅羽衣甘蓝🥬丶紫准山丶台式蛋饺丶莴笋等等靓料⋯饮品选择都多💗另外雪糕雪条，其中有2款Mövenpick雪糕🤤正㖞！