柞木炭家

营业中

休息中

我哋坐窗口位，环境好舒服，原来仲可以坐户外，我地叫咗个王道二人套餐，坐低已经即刻上咗一系列嘅前菜，当中有比较少见嘅小蟹仔。担担味噌茄子，大大粒茄子加上浓味嘅肉碎，口感好丰富，好开胃。即烧仁村产鳗鱼饭，原来鳗鱼系生上，自己烧的，但我哋唔系好识烧鱼，所以请咗侍应们协助帮手烧，烧紧嘅时候已经好香，加埋个鳗鱼汁，配饭一流，钟意食饭嘅我，如果可以增加饭量就更好。之后嚟咗主菜嘅五款肉，侍应建议我哋烧肉嘅次序，由韩牛牛肩肉开始，之后和牛牛胸腹肉，中间可以烧庆州猪背肉转换下口味，之后牛小排，最后A4西冷。头两款牛肉都脂肪比例正常，食时加少少盐上面，更加带出牛嘅味道，之后牛小排同A4西冷简直系极品，咬落去好Juice，𠮶种脂肪油嘅感觉好丰厚，好浓郁，好高质。仲有海鲜红虾配大墨鱼，墨鱼大概有五件，有两件系比较厚身冇腌料的，烧嘅时候吸左之前烧牛肉嘅味道，烧出嚟唔会韧，仲好爽口，不过我更喜欢之后烧有腌料嘅𠮶三件墨鱼，辣辣地。红虾好大只，烧嘅时候啲虾汁喷紧出嚟，餐厅好贴心咁已经喺背脊戒咗一刀，比较容易控制生熟。甜品系蜂蜜蛋糕，甜度适中，蛋糕松软。