影片
更多
2020-07-04
88 浏览
最近朋友讲开如心个面开左间高质西餐，试过之后强烈推荐我去试下。去到1楼119号Marka House门口望入去，简洁风格加上透视度高嘅装潢，系夜景衬托下餐厅有种优势嘅氛围，第一感觉就令人觉得质素有保证。我地之后跟店员推介点左一D人气较高嘅野食。首先系是日餐汤--野菌忌廉浓汤唔同平时以忌廉为主，一片白色嘅餐汤，呢碗汤品菌类先系主角。菇类颗粒感好强，香味亦几浓，忌廉再带黎少少顺滑感，口感颇有层次。仲有伴碟一齐上嘅烟熏火腿沙律蔬菜相当新鲜爽口，选用左比较鲜甜嘅种类，加上沙律醋酸酸甜甜，都几清新开胃。火腿咸得黎有油香而唔油腻，味道配上蔬菜一齐食相当合拍。跟住第一道登场嘅主菜香草蕃茄鳕鱼意大利面鳕鱼煎到金黄微焦卖相已经相当出色，咬落外酥内嫩，鱼柳又多汁，鲜味十足。意粉酱汁香浓，有满满嘅蕃茄味，从中又感受到少许香草香气，调味上平衡得好好。蕃茄酱同意粉一向系绝配，经过精心调教后嘅酱汁可谓系呢个组合嘅进化版，搭配蘑菇片一齐食相当好食。个抹系顶嘅蟹籽更系画龙点睛，令口感软顺嘅一道菜加上层次感，咬落有脆有软，绝不单调，睇得出厨师系好多细节上都相当用心。最后一道主菜系法国烧春鸡配炸薯条薯条炸得岩岩好，金黄香
我地之后跟店员推介点左一D人气较高嘅野食。
首先系是日餐汤--野菌忌廉浓汤
唔同平时以忌廉为主，一片白色嘅餐汤，呢碗汤品菌类先系主角。菇类颗粒感好强，香味亦几浓，忌廉再带黎少少顺滑感，口感颇有层次。
仲有伴碟一齐上嘅烟熏火腿沙律
蔬菜相当新鲜爽口，选用左比较鲜甜嘅种类，加上沙律醋酸酸甜甜，都几清新开胃。火腿咸得黎有油香而唔油腻，味道配上蔬菜一齐食相当合拍。
跟住第一道登场嘅主菜香草蕃茄鳕鱼意大利面
鳕鱼煎到金黄微焦卖相已经相当出色，咬落外酥内嫩，鱼柳又多汁，鲜味十足。意粉酱汁香浓，有满满嘅蕃茄味，从中又感受到少许香草香气，调味上平衡得好好。蕃茄酱同意粉一向系绝配，经过精心调教后嘅酱汁可谓系呢个组合嘅进化版，搭配蘑菇片一齐食相当好食。个抹系顶嘅蟹籽更系画龙点睛，令口感软顺嘅一道菜加上层次感，咬落有脆有软，绝不单调，睇得出厨师系好多细节上都相当用心。最后一道主菜系法国烧春鸡配炸薯条
薯条炸得岩岩好，金黄香脆，有D仲有薯皮，食落每条都有少少唔同，配埋店家自制特浓茄酱，真系叫人一食就停唔到口，一口气扫清光。
烧春鸡上碟前已去骨处理，够哂细心，我地又食得安心。
鸡肉熟度适中，鲜嫩又多汁，食落啖啖肉，非常有满足感。
调味方面亦值得一赞，腌料明显加入左大量香草，烧制方式令鸡肉充满浓烈香草香气，配上蒜香酱汁，组合成一种独特风味，滋味十足。
就呢次餐体验，Marka House算系呢种价位入面有相当唔错嘅水准，比我预期中好，钟意西餐嘅朋友值得一试～
张贴
