影片
更多
2021-10-05
2509 浏览
我好钟意食面包甜点之类嘅嘢，一有介绍比较特别嘅，我就会好想去试，常温一直都想食，但系舖头真系唔系好就脚，所以今日去开新蒲岗，一定一定要去朝圣，本来一心只系谂住买拿破仑同埋戚风蛋糕，但熟悉我嘅人都知道，是没有可能的事😂😂😂，睇吓战绩如何👇🏻👇🏻👇🏻▪️原味香草戚风件装 $13一打开好香蛋味，超级松软湿润，简单的味道就是好味，这就是我喜爱的戚风，正在埋怨自己点解买得一件咁少😂▪️蝴蝶酥 $80蝴蝶酥系我最钟意食嘅甜点之一，呢度嘅蝴蝶酥唔系平$80只有一小包，但牛油香浓，糖充满焦香，而且极度松脆，坊间唔系好多饼店可以做到如此酥脆▪️法式杏仁条 $55呢个下午茶配杯茶一流，面是充满着焦糖的杏仁夹住酥脆嘅饼底，有着法式甜点甜美嘅味道，钟意食焦糖杏仁嘅朋友不可以错过，呢款是咁多款甜点当中比较甜嘅一款▪️荷兰挞 $20呢个我本身冇谂住买，但系姐姐落力推销叫我试吓话呢个好好食，我又买咗，因为我好怕好甜𠮶啲果酱，冇介绍错真系好好食，挞底系松化，中间嘅蛋糕有好香浓嘅蛋味同埋好松软，cream唔会太甜，重点最顶嘅果酱好好味呀，我对呢款甜点印象完全改观，未食呢个之前我脑海仍然系停留紧系美心$4一件好难食嘅印像😂⚠️放咗
▪️原味香草戚风件装 $13
一打开好香蛋味，超级松软湿润，简单的味道就是好味，这就是我喜爱的戚风，正在埋怨自己点解买得一件咁少😂
▪️蝴蝶酥 $80
蝴蝶酥系我最钟意食嘅甜点之一，呢度嘅蝴蝶酥唔系平$80只有一小包，但牛油香浓，糖充满焦香，而且极度松脆，坊间唔系好多饼店可以做到如此酥脆
▪️法式杏仁条 $55
呢个下午茶配杯茶一流，面是充满着焦糖的杏仁夹住酥脆嘅饼底，有着法式甜点甜美嘅味道，钟意食焦糖杏仁嘅朋友不可以错过，呢款是咁多款甜点当中比较甜嘅一款
▪️荷兰挞 $20
呢个我本身冇谂住买，但系姐姐落力推销叫我试吓话呢个好好食，我又买咗，因为我好怕好甜𠮶啲果酱，冇介绍错真系好好食，挞底系松化，中间嘅蛋糕有好香浓嘅蛋味同埋好松软，cream唔会太甜，重点最顶嘅果酱好好味呀，我对呢款甜点印象完全改观，未食呢个之前我脑海仍然系停留紧系美心$4一件好难食嘅印像😂
⚠️放咗一晚先食
▪️古法拿破仑 $26
由三层酥皮三层合桃蛋白饼三层牛油忌廉组合而成，逐层逐层po上去，好用时间同心机，而家唔系太多饼店可以做得到，味道方面酥皮超级香脆，合桃蛋白饼充满住大量合桃，而且奶油唔甜香滑，太好味，食三啖已经冇晒。
⚠️放咗一晚先食
🍪Cookies
▪️巴马臣芝士杏仁 $55
曲奇面头见到粒粒芝士同埋杏仁，而且切到好细，但系又唔系碎，所以口感好丰富，芝士味咸咸香香，饼底当然系酥脆
▪️黑加伦子夏威夷果仁 $55
用料非常慷慨，铺满左黑加伦子同埋果仁，黑加伦子好烟韧唔太甜，好食
▪️伯爵茶 $55
一打开个已经闻到超级香嘅伯爵茶味，味道当然系一样，呢只味曲奇口感系实净小小嘅
▪️米粉巧克力$55
呢个口感好特别，食落去好浓朱古力味，在食到朱古力粒，但系成块曲奇好快喺口到融化咗，唔知系咪佢个名嘅米粉效果，好得意好好味
💛烘焙嘅世界我不懂太多，但我钟意食嘅曲奇重点在于味道是否食到原材料嘅味道质素，同埋够唔够松脆，这里的曲奇价钱当然亦都唔系平，但你会食得出佢嘅原材料都系高级货，味道细致，我超级钟意芝士同埋夏威夷果仁味💛💛
⚠️另外多谢姐姐请我食咗两粒糖😍
张贴
