放下素 (已結業)

今日特登入左铜锣湾食素菜，系社企黎架，会请复康人士，非常有意义！上网见到素食嘅款式好多，装修好大，环境好阔落。我哋两个人，被安排左坐卡位，可以望到铜锣湾嘅街道夜景，地方仲好大好阔落，有20至30张枱！嘢食方面，有个地方好特别，就系一个焗炉，专系用嚟焗干啲蔬果，制作成唔同嘅蔬果干， 香脆得来又健康，唔会好油腻，仲可以自己拣钟意嘅蔬果添，好得意啊！喺其他嘅自助餐，什至系素食餐厅都好少见到！我好钟意佢哋嘅沙律吧，因为有好多唔同款式嘅沙律酱，啱晒我钟意食沙律酱嘅人，又有千岛酱，黑松露酱，加埋新鲜嘅蔬菜，好丰富！仲有形形色色嘅素菜，中式小菜、西餐、炸物、传统斋菜，慢慢简！有我最钟意食嘅反沙芋，唔容易整架，睇得出佢哋好用心！如果钟意食素菜嘅朋友，记得拉埋朋友过嚟食啦！