嵐月 (AIRSIDE)

营业中

休息中

Airside开咗咁耐都冇去食过饭，今晚约咗闺蜜食饭，揾间坐得舒服啲嘅餐厅。岚月装修非常雅致，座位同座位之间空间感十足，啱晒大家食饭倾偈。呢度嘅价钱唔算好平，不过食物摆盘精致，材料高质，服务又好，绝对系值回票价👍 如果啱食嘅话，套餐其实真系好抵。我哋今晚食咗几样嘢味道都非常唔错，咖啡熏20日初鸽好有特色，一上枱已经闻到烟熏咖啡豆嘅味道，配上细细只嘅初鸽，炸得皮脆肉嫩，真系好好食，一人一只好滋味😋苹果木熏泰安鸡系必食推介，侍应一拎起个罩已经闻到好香嘅苹果木味道，泰安鸡煮得刚刚好，入味、鸡肉嫩滑、鸡皮爽口，充满茶熏嘅香味，旁边仲有啲烘脆咗嘅茶叶，配埋一齐食口感更加丰富。岚月小炒王亦都有特色，味道少少辣，几惹味，材料丰富，最特别系有炸脆咗嘅芋丝同埋濑尿虾干，呢碟𩠌用嚟送饭一流！我哋冇嗌饭，叫咗炒新竹米雪场蟹炒桂花，米粉炒得利落干身，食起上嚟一啲都唔油腻，配埋芽菜同埋少少芹菜增加口感，呢个主食我哋都好钟意。呢度仲有唔少特色甜品，不过我哋今次就食唔落啦，下次再品尝。