霸嗎拉麵 (金巴利道) (裝修中)

间唔中周围去唔同拉面店食下。平时行过呢间都会见到门口大排长龙，今日经过难得唔洗排队，即刻入去试下先！叫左个招牌的猪骨汤底拉面，汤底都几浓郁，猪骨味重。比较惊艳嘅系块豚肉叉烧，第一下望落去好似好多肥肉好油腻，食落先知肥瘦肉分布非常均匀，肥肉嘅部份个底系瘦肉，入口即溶，但又有瘦肉的口感，唔会好似食咗一大旧脂肪咁。朋友叫左辛辣汤底，对于平时食开谭仔中辣的本人都觉得有啲辣，真系食得辣嘅先好嗌。比起辛辣汤底我觉得原味更加好食，个汤底有少少辣过头，掩盖咗佢本身香浓嘅猪骨味。但总括嚟讲我觉得都唔错，尤其是佢个豚肉叉烧，暂时来讲未喺第二间拉面店食过呢个口感。