影片
更多
2021-04-20
1946 浏览
第一次嚟锦屏街食嘢，惊觉呢度食肆林立，自成一角，果真是大乡里出城😂。我哋帮衬嘅系出名长龙店 Villa Villa，好彩有订位，坐低冇耐，就已经见到出面开始聚集等位人潮。三大一细，叫咗三个 set lunch 同一客薯条，店员主动畀咗四份餐汤同餐包我哋，服务超贴心，呢度绝对有分加🥰。餐汤质素超高，蘑菇味劲浓，啖啖都食到菇片，饮完齿颊留香🤤。黑色嘅餐包我估系竹炭面包，少少咸，少少脆，多多面包香，如果可以提供埋黑醋同橄榄油就更加正。主菜我较喜欢蒜香银鱼蓉蚬肉扁意粉，银鱼蓉够咸香，蚬肉大大粒亦颇鲜味，唔错；卡邦尼意粉正常水准，只系略嫌蛋黄味争少少；双重芝士薄饼嘅芝士比想像中少，味道反而冇底下嘅蕃茄酱咁抢，topping 我哋拣咗烟三文鱼，同个 pizza 味道都算夹，个墨鱼汁饼底黑妈妈几得意，不过味道同一般饼底冇咩分别。最后加多份黄金炒薯条，蛋黄味超浓，咸咸香香，好好食，不过食完好口渴😂。呢度另一个特别之处，系所有店员都著住祖云达斯嘅球衣，店入面仲有好多球队嘅摆设，好肯定店主系祖记嘅 fans。
三大一细，叫咗三个 set lunch 同一客薯条，店员主动畀咗四份餐汤同餐包我哋，服务超贴心，呢度绝对有分加🥰。餐汤质素超高，蘑菇味劲浓，啖啖都食到菇片，饮完齿颊留香🤤。黑色嘅餐包我估系竹炭面包，少少咸，少少脆，多多面包香，如果可以提供埋黑醋同橄榄油就更加正。
主菜我较喜欢蒜香银鱼蓉蚬肉扁意粉，银鱼蓉够咸香，蚬肉大大粒亦颇鲜味，唔错；卡邦尼意粉正常水准，只系略嫌蛋黄味争少少；双重芝士薄饼嘅芝士比想像中少，味道反而冇底下嘅蕃茄酱咁抢，topping 我哋拣咗烟三文鱼，同个 pizza 味道都算夹，个墨鱼汁饼底黑妈妈几得意，不过味道同一般饼底冇咩分别。最后加多份黄金炒薯条，蛋黄味超浓，咸咸香香，好好食，不过食完好口渴😂。
呢度另一个特别之处，系所有店员都著住祖云达斯嘅球衣，店入面仲有好多球队嘅摆设，好肯定店主系祖记嘅 fans。
张贴
