鼎爺私房菜 (已結業)

踏入冬天特别多喜庆节日，同家人聚首一堂食盆菜系不二之选.鼎爷私房菜今年推出咗「新春手工盆菜」，于冬至及农历新年前后供大家订购. 呢个盆菜适合六位食用，用咗好多矜贵嘅食材，多达十八款精选手工菜肴，每份都新鲜制作，加埋盆菜必备嘅古法秘制上汤汁，斋睇相都已经流口水🤤❣️以下几款菜肴系我特别欣赏😉：🌟️ 花胶酿云吞 花胶筒内酿入虾胶、虾仁同猪肉，馅料鲜甜，满满嘅胶质大满足！🌟️ 肉蓉酿海参 海参酿咗墨鱼滑、甘笋、马蹄等等，出奇地夹，令到口感更丰富更有层次.🌟 龙穿鳯凰翼 唔好以为佢系普通鸡翼，佢系已经预先去咗骨，再酿入甘笋同金华火腿，令鸡肉更鲜甜.🌟 潮汕海虾枣将海虾打成虾胶，炸至金黄丸状，外脆内软，粒粒弹牙.其余菜式分别有：🌟原只鲜鲍鱼 🌟一品大瑶柱🌟茄汁大虎虾 🌟阿爷靓猪腩🌟驰名酱油鸡 🌟千足金猪皮🌟天津大甘栗 🌟发财炆支竹🌟荔甫靓芋头 🌟古法炆莲藕🌟精选甜萝卜 🌟包金黄芽白🌟一级鲜冬菇 🌟翡翠鲜豆卜非常足料，一啲都唔马虎！下面嘅𩠌菜全部都吸收晒上汤汁嘅精华，好入味，送饭一流.