富豪酒家

营业中

休息中

「阿翁鲍鱼」相信大家都一定听过。由翁先生掌舵嘅《富豪酒家》连续13年得到米芝莲一星殊荣，真系唔简单。无太多花巧嘅东西，但善于将食物嘅鲜味发挥到极致。✨原炖爵士汤 非常足料嘅靓汤，以响螺头、花胶、老鸡、排骨、凤爪等煲成，仲有蜜瓜（选用美国蜜瓜，因为会更清甜），全部都系上等靓料，整体好清甜。当年邓肇坚爵士好喜欢饮呢个汤，所以就叫「爵士汤」。✨油泡凤尾虾带子凤尾虾同带子都好鲜甜弹牙，简单但美味。✨香葱花蟹炆冬瓜 上菜时还原返成只蟹嘅外型出黎，卖相非常吸引。采用当日新鲜游水蟹，连同冬瓜同一齐炆，啲冬瓜够哂腍，吸收哂蟹嘅鲜味，蟹肉当然非常鲜甜，将简单嘅食材升华哂。高质。✨金针云耳蒸鸡鸡件好嫩滑，金针同云耳都好爽口。如果有碗白饭我一定连汁都捞埋。✨富豪砂锅炒饭以砂锅盛载，温度保存得好好，材料只用了葱花、瑶柱、鸡蛋浆和鲍鱼汁调味，香气十足，饭粒分明。✨蛋白生磨杏仁茶杏仁香得黎唔会太强烈，好滑，连同蛋白，非常有益。✨精选甜点有十分足料椰汁马豆糕同榄仁合桃酥 ，两者简单得黎都好好味。