醉翁亭火鍋館 (已結業)

依排天气太冻，要去十下十下。醉翁亭食物一向有质素，今次仲推出埋任食，一定要试试。卡位好舒服好好坐，仲有埋腰垫，枱面够大，另外再系枱前面放左张茶几，叫多d野都够放。首先，当然落左个汤底先，有羊腩同鸡煲可以encon,成班食就抵，因为今次得2个人所以打边炉汤底就够食，我地择左冬瓜瑶柱锅。另外有餐前小食，青瓜、云耳、鸡脚同猪手，唔够饱可以食埋牛河。饮品都有好多种类，但啤酒要另外比钱。锅底同水饺皇先黎，锅底有好多瑶柱丝。水皇入面有3只鲜虾，非常正！之后跟住上埋个每人一只蚝汁冬菇炆鲍鱼，唔洗钱嘅包埋有冬菇同鲍鱼补补佢就埋晒。仲有极级牛颈脊一碟2人份量，雪花纹好靓，食落好厚身，好好食。仲有仲有海鲜并盘，有虾，鱼，墨鱼，圣子，好新鲜，赞！仲未完禾，仲有刺身并盘，三文鱼、鱿鱼同北寄贝，三文鱼好肥美，鱿鱼好有咬口，北寄贝好鲜甜。如果唔够仲可以加，但要另外加钱，不过以人头计，都好足料。我地2个就岩岩够食。另外任食部份都有好多叫左黑豚肉，好有肉味，好食唔会太厚。鱼皮同响铃系必食！仲有午餐肉、猪肚及肠粉！！真系食到好饱好满足。