云手工火鍋店

营业中

休息中

久唔久约朋友而朋友又钟意打边炉嘅话，就会嚟呢度，除咗座位宽阔，环境舒服之外，服务都系重点，而火锅材料都系高质，唔系求其做俾你𠮶只，定期都会嚟呢度，因为好挂住佢𠮶啲手打丸😃今日同老友嚟咗呢度，吹水倾偈同埋食好嘢。火焰沙白蟹锅：店员首先端上放满38嘅锅，炒两炒之后，放咗啲酒，点起火，好香呀。跟住再「赞」上等清汤，逼出蟹嘅鲜味。店员话首先饮咗几碗汤先，再慢慢打边炉，我哋每人饮咗三碗😃自家制炸鱼皮：每次嚟都必点，薄薄地脆卜卜咁，新鲜即炸，再加咗即炸嘅黄金蒜蓉，同埋有啲准盐，好惹味。手打黑松露墨鱼丸：呢个喺第二度真系食唔到，入边有啲流心黑松露酱，出边包住既墨鱼丸超弹牙，高质嘅做法。手打咸蛋黄虾丸：少少邪恶，但系邪恶嘅嘢先好食，咸蛋黄入边都系流心，出边嘅虾系选用黄虾，味道够特别，亦都系非常之弹牙。自家制黑松露蟹肉饺：首先要赞吓佢水饺个皮好薄，然之后入边夹杂着黑松露加香喷喷嘅蟹肉，两者非常之配合。蔬菜拼盘：一啲都唔啱嘅蔬菜拼盘，新鲜又丰满，每样蔬菜都有一啲，卖相很吸引。鸡软骨串烧：烧到脆卜卜，唔会好韧，鸡味冇雪藏味，非常好。荔枝豚肉串烧：几特别嘅做法，入边夹杂着荔枝，令到整个豚肉串好清新。