影片
更多
2015-05-01
5564 浏览
铜锣湾食西餐，想揾间坐得舒服啲嘅，见依间环境唔错，价钱合理，所以试下。因为朋友生日，所以book台果阵讲定到时叫甜品要加埋Happy Birthday。餐厅楼底高，好有空间感，我地五个人有梳化位坐，好舒服。仲有个露台俾人岀去呼吸同饮嘢。Set dinner价钱四百几蚊起，散叫抵d，人多又可以叫多d，总共叫左两个汤、一个沙律、一个头盘、三个主菜同两个甜品。亮点系个「马赛渔夫汤」，上年去马赛果阵睇旅游书介绍马赛鱼汤，好岀名，好想试，要港币二百几蚊起，因为可以做主菜。但最后我喺马赛只系饮左个普通鱼汤，腥腥地，味道麻麻，我仲庆幸自己无试马赛鱼汤。所以果晚朋友话马赛鱼汤好饮，叫左，我有d犹豫。好在，真系好饮！个汤上枱果阵，用透明茶壶装住，侍应将汤倒落装住海鲜嘅碟。汤嘅味道似淡版龙虾汤，我觉得好味过龙虾汤，无咁浓咁稠。「鲜虾牛油果沙律」好清新，无乜调味，清清地几好。蟹饼就浓味左d，食五份一件已经够，感觉有d腻。主菜份量够多，最钟意「蒸智利鲈鱼」，好厚身大件，口感似鳕鱼，好滑，正！仲有蚬伴碟。牛肝菌意大利饭同红酒绘羊膝阔条面都好入味，好香。甜品叫左「绿茶心太软」同creme brûlée ，最欣赏系
铜锣湾食西餐，想揾间坐得舒服啲嘅，见依间环境唔错，价钱合理，所以试下。因为朋友生日，所以book台果阵讲定到时叫甜品要加埋Happy Birthday。
餐厅楼底高，好有空间感，我地五个人有梳化位坐，好舒服。仲有个露台俾人岀去呼吸同饮嘢。
Set dinner价钱四百几蚊起，散叫抵d，人多又可以叫多d，总共叫左两个汤、一个沙律、一个头盘、三个主菜同两个甜品。
亮点系个「马赛渔夫汤」，上年去马赛果阵睇旅游书介绍马赛鱼汤，好岀名，好想试，要港币二百几蚊起，因为可以做主菜。但最后我喺马赛只系饮左个普通鱼汤，腥腥地，味道麻麻，我仲庆幸自己无试马赛鱼汤。所以果晚朋友话马赛鱼汤好饮，叫左，我有d犹豫。好在，真系好饮！个汤上枱果阵，用透明茶壶装住，侍应将汤倒落装住海鲜嘅碟。汤嘅味道似淡版龙虾汤，我觉得好味过龙虾汤，无咁浓咁稠。
「鲜虾牛油果沙律」好清新，无乜调味，清清地几好。
蟹饼就浓味左d，食五份一件已经够，感觉有d腻。
主菜份量够多，最钟意「蒸智利鲈鱼」，好厚身大件，口感似鳕鱼，好滑，正！仲有蚬伴碟。
牛肝菌意大利饭同红酒绘羊膝阔条面都好入味，好香。
甜品叫左「绿茶心太软」同creme brûlée ，最欣赏系个vanilla ice cream！好香滑！
隔离枱生日嘅原来系餐厅老板，所以佢请我地食芒果糯米饭同寿饱！哈哈！多谢金牛座朋友！
成餐饭三百蚊位，依个质素算抵，而且服务周到，可以再去。
张贴
