影片
更多
2015-10-10
4854 浏览
朋友介绍话呢度环境好又多野食拣，book左枱黎食下，入左起计两个钟，唔系分时段，咁又几好㖞，几点开始食都得。好肚饿，唔理咁多咩都叫下先，又真系几多野拣㖞，寿司、刺身、手卷、军舰、天妇罗、锅物、烧物、串烧、炸物、沙律等等，加十二蚊仲可以饮品任饮。先黎刺身，卖相靓㖞，梗系要叫香港人至爱嘅三文鱼啦，肥美新鲜又厚切，仲有油甘鱼，鲷鱼，吞拿鱼等，样样都新鲜，唔点wasabi都唔会腥架。仲点左寿司、军舰、卷物、手卷，饭带少少醋味唔错㖞，当中火焰三文鱼、比目鱼最正，入口溶化。日式炖蛋好滑，食落有菇味鲜味，比起元x板x好味好多。蒜香一口肠，甜甜地带蒜香，encore！芝麻鸡翼，炸得唔干身㖞，仲带芝麻香添。甘虾腐皮卷，炸酿蟹钳，烧三文鱼头，肉嫩香口又肥美。鸡软骨饺子棒，煎得香口又唔油，鸡软骨有口感。黑椒烟鸭胸，略咸。大阪烧饼，薄薄一片，食落似葱油饼多过烧饼，味道都几好的。另外仲有串烧，叫左翠玉瓜，冬菇，牛肋肉，牛舌，鸡软骨，串串都好味，至爱翠玉瓜同冬菇！胡麻牛舌，厚切唔韧，但唔辣嘅？蒜片牛柳粒，牛味浓，一口牛油正呀。酱汁猪软骨，入味又够淋，好味。粟米粒粒烧，超甜粟，好甜好味。忌廉粟米焗蚝，encore！
好肚饿，唔理咁多咩都叫下先，又真系几多野拣㖞，寿司、刺身、手卷、军舰、天妇罗、锅物、烧物、串烧、炸物、沙律等等，加十二蚊仲可以饮品任饮。
先黎刺身，卖相靓㖞，梗系要叫香港人至爱嘅三文鱼啦，肥美新鲜又厚切，仲有油甘鱼，鲷鱼，吞拿鱼等，样样都新鲜，唔点wasabi都唔会腥架。仲点左寿司、军舰、卷物、手卷，饭带少少醋味唔错㖞，当中火焰三文鱼、比目鱼最正，入口溶化。
日式炖蛋好滑，食落有菇味鲜味，比起元x板x好味好多。蒜香一口肠，甜甜地带蒜香，encore！芝麻鸡翼，炸得唔干身㖞，仲带芝麻香添。甘虾腐皮卷，炸酿蟹钳，烧三文鱼头，肉嫩香口又肥美。
鸡软骨饺子棒，煎得香口又唔油，鸡软骨有口感。黑椒烟鸭胸，略咸。大阪烧饼，薄薄一片，食落似葱油饼多过烧饼，味道都几好的。另外仲有串烧，叫左翠玉瓜，冬菇，牛肋肉，牛舌，鸡软骨，串串都好味，至爱翠玉瓜同冬菇！
胡麻牛舌，厚切唔韧，但唔辣嘅？蒜片牛柳粒，牛味浓，一口牛油正呀。酱汁猪软骨，入味又够淋，好味。粟米粒粒烧，超甜粟，好甜好味。
忌廉粟米焗蚝，encore！忌廉粟米汤味，蚝虽唔系大size个种但蚝味都唔错。牛油野菌帆立贝，牛油炒杂菇好浓牛油味，但食落又唔腻㖞，帆立贝略韧了点。蟹籽沙律，青瓜丝清爽，沙律酱没过多唔错。薄烧牛肉，烧起嘅肥牛甘香又肥美，好味。
芝士年糕，炸版，唔系想像中个种添，呢只比较皮薄同无咁香芝士，不过热辣辣都好食嘅，唔落酱汁会更好。蕃茄沙律，好酸下当系清下肠胃啦，胜在沙律菜够新鲜爽脆。埋左单会有雪糕糯米滋送，一人一粒，是晚荔枝味同云呢拿味，好冻呀～甜品作结又系满足嘅一餐。环境濶落，冷气够，上菜同收碟都快，食物有质素，只有少许漏单，平日218一位好抵食。
张贴
