金滿膳燒味餐室 (已結業)

平时比较少食港式餐厅，今日因为屋企人带我黎到牛头角呢间餐厅，陪佢哋试下，估唔到连我呢个平时好少食港式嘢嘅人都觉得好出色，真系要推介俾大家试下。脆皮烧腩仔河粉先讲下个脆皮烧腩仔，表皮烧到脆卜卜，甘香。有啲餐厅嘅烧腩仔会有啲咸，但呢间就无呢个问题，反而炭火味就十足，肥瘦相宜，皮下脂肪唔算多，食落嫩滑兼有油香，猪肉香味亦好出色。至于啲河粉就非常索汤，口感比较霖，连埋汤汁一齐食，味道甘甜。一啖河粉一啖烧腩仔真系好享受啊。玫瑰油鸡皇米线佢哋𠮶玫瑰油鸡皇最惊喜。净系𠮶卖相已经好吸引，表皮有光泽，焦黄嘅色泽恰如其分，令人食指大动，咬落去第一啖已经觉得好嫩滑，鸡肉嘅咸香啱啱好，食多几件都唔会觉得油腻，令人食到停唔到口。鸡油渗入到米线汤入面，令成个米线都好香。如果油鸡有埋少少油葱，应该将成个菜提升多一个层次。