叁不館

营业中

休息中

呢间系天后超有特色既港式火锅 汤底正 火锅料又新鲜.今次食胡椒鸡汤底，个汤好浓郁既鸡汤 同胡椒有少少辣 其实唔需要酱料都好够味👍🏻打边炉必点本地手切牛 牛肉新鲜 渌熟完都系呈粉红色 切得好厚 牛肉味浓！要左几只海虾 同2只鲍鱼，鲍鱼新鲜 渌3分钟就食得 渌完都唔会缩水，又洗得干净 唔错。新鲜鹅肠 唔系度度打边炉都有 唔会太肥 渌一阵就熟 都几爽口。另外云吞拼午餐肉饺 云吞足料多虾 新鲜虾黎既，午餐肉饺几特别🤣响铃都系好正，因为索啲汤汁 而且佢哋系自己新鲜炸起 好脆，夹起既时候要温柔啲🤣餐厅环境几特别 好靓 有大台有细台 人多人少都可以👍🏻👍🏻