聚鳥亭

营业中

休息中

今日预约咗一间楼上舖，食日式火锅晚餐，呢度有好多款日式火㶽唔同味道嘅汤底可以选择，今日两个人食，我哋拣咗「柴鱼昆布清汤」，汤底味道好清新，有柴鱼嘅鲜味，再加上昆布嘅味道，感觉唔会燥热，系一款比较健康嘅火锅。食材方面，因为得两个人，所以拣咗几款配料试一试，其中一款「M4澳洲和牛牛颈脊」好值得推介，牛肉充满牛嘅鲜味，而且好香、好滑，冇牙都食得到。另外仲有「手打牛丸」，牛丸调味得相当适合，唔会盖过牛肉嘅鲜味，牛丸入面充满肉汁，好好味，下次嚟一定要encore。另外仲有「手打墨鱼滑」，墨鱼滑入面系有一粒粒爽口嘅墨鱼粒，感觉好特别，好好味。呢度嘅食材，唔会太大碟，好适合人少少嚟食火锅，唔怕食唔晒，又可以拣多几款唔同口味，情侣拍拖嚟食，都非常适合。环境气氛亦都相当好，装修充满日式风味，天花板挂咗好多彩色灯罩，好特别，又好舒服。店入面座位唔多，静静地，好适合一班朋友聚会，倾吓偈，舒舒服服咁慢慢食，而且食物质素好高，价钱相对合理。