影片
更多
2023-01-01
54 浏览
圣诞节又到啦！同阿女送圣诞礼物去将军澳比啲老人家，之后去揾餐厅食圣诞餐，行到天晋汇，见到一间西餐厅，叫做Chef's Stage，餐厅布置得好有圣诞气氛，一于入去感受一下。座位分室外和室内，同样坐得舒服。餐牌上嘅set dinner都好丰富，有餐汤/沙律、前菜、主菜、意粉/意大利饭同埋餐饮。落单后待应即送上面包篮，内有有3款唔同既面包，配上自家制既酱汁，酸酸地非常开胃。餐汤系椰菜花忌廉，味道顺滑浓郁带甜味。意大利风干腿伴蜜瓜，火腿食落咸度适中，甘香味十足，蜜瓜爽脆清甜，两样野配搭得好夹，一起食好有口感！炭烧美国极黑猪鞍扒拼香草牛油焗波士顿龙虾尾，南瓜蓉，猪扒好厚好大块，厨师煎到块扒啱啱熟，切开见到粉嫩嘅肉质，食落非常鲜嫩，另有波士顿龙虾，厨师将成条龙虾肉从壳内起了出来，龙虾肉超鲜甜爽弹, 微微牛油更能带出鲜味。配上绵滑又香甜嘅南瓜蓉, 平衡主食嘅浓郁味道。墨鱼汁鲜带子海虾扁意粉，带子甘甜鲜味，鲜虾爽口，意粉充满口感层次，质感十分弹牙，加上墨鱼汁香喷喷，非常惹味！士多啤梨香蕉朱古力，朱古力沙冰加埋忌廉，味道creamy朱古力味浓郁，有少许士多啤梨味，甜度啱啱好，饮落非常凉快！Hoegaa
餐牌上嘅set dinner都好丰富，有餐汤/沙律、前菜、主菜、意粉/意大利饭同埋餐饮。落单后待应即送上面包篮，内有有3款唔同既面包，配上自家制既酱汁，酸酸地非常开胃。
餐汤系椰菜花忌廉，味道顺滑浓郁带甜味。
意大利风干腿伴蜜瓜，火腿食落咸度适中，甘香味十足，蜜瓜爽脆清甜，两样野配搭得好夹，一起食好有口感！
炭烧美国极黑猪鞍扒拼香草牛油焗波士顿龙虾尾，南瓜蓉，猪扒好厚好大块，厨师煎到块扒啱啱熟，切开见到粉嫩嘅肉质，食落非常鲜嫩，另有波士顿龙虾，厨师将成条龙虾肉从壳内起了出来，龙虾肉超鲜甜爽弹, 微微牛油更能带出鲜味。配上绵滑又香甜嘅南瓜蓉, 平衡主食嘅浓郁味道。
墨鱼汁鲜带子海虾扁意粉，带子甘甜鲜味，鲜虾爽口，意粉充满口感层次，质感十分弹牙，加上墨鱼汁香喷喷，非常惹味！
士多啤梨香蕉朱古力，朱古力沙冰加埋忌廉，味道creamy朱古力味浓郁，有少许士多啤梨味，甜度啱啱好，饮落非常凉快！
Hoegaarden有浓郁的麦香，也带有啤酒花香，没有苦味，非常的顺口。
张贴
