淥鼎記

营业中

休息中

之前几次想去，但每次都好多人，今晚终于去咗试呢间。首先餐厅选择多，先系上咗个刺身，刺身就正常唔无咩特别(咁始终佢唔系日本料理，我觉得正常已经足够)，然后到鸡煲同酸菜鱼(2拣1)，咁我就拣咗鸡煲，个鸡煲都有唔同辣度拣，拣咗个微辣。上枱嘅时候已经好香，同埋啲鸡好入味，不过最正系鸡煲入面啲洋葱，超香。同埋有几多款小食，盐酥鸡好见脆同好香，冻木耳都唔错，而个麻辣鸡翼尖都好正，连平时唔系点食嘅我都食晒。跟住到主角火锅出场，佢个煲几靓，唔系平时出面酒楼啲煲，个手把系龙头，啲用具都有花心思。汤底都有几多唔同选择，拣咗花胶汤。呢个汤建议最后先食花胶，因为啲花胶会吸晒其他食物同个汤啲味，食落口好正。而且啲火锅配料都好新鲜，特别推介系佢啲饺子类配料，每款都超正。虽然佢个价系贵过一般任食火锅，但我觉得佢嘅食物质素系物超所值。唯一系最好多啲人一齐去，可以试多啲唔同食物，因为个鸡煲都几多，两个人食嘅话食少少鸡又觉得浪费，食得多鸡又会好快饱，不过呢个问题同餐厅无关，只系个人建议。