Trattoria Kagawa by Mihara (已結業)

今晚朋友约咗我去湾仔食饭，原来带我嚟食青口任食！！！你间餐厅几有情调，灯光昏暗，适合静静地倾偈或者约会。青口任食有三款味道：蕃茄、牛油忌廉、白酒，我觉得牛油忌廉同青口最搭配，蕃茄味就辣辣地，少少惹味，都唔错。 除咗任食青口，新鲜炸起嘅薯条亦都系任食👍🏻👍🏻👍🏻除咗青口，餐牌亦有其他食物，我哋加咗一客ham 同埋 Wagyu beef Rossini。和牛配上煎香咗贶鹅肝真系好邪恶，如果配搭红酒一齐品尝，一定好正。呢度整体食物质素都高，下次可以再同闺蜜过嚟呢度食。