Cafe Whale

营业中

休息中

今天的主角是鱼，不过在一家Coffee Shop食呢两样野(鱼汤乌冬同炸鱼仲(鱼柳))感觉系有D奇，不过无所谓，最紧要好食。先来个小食，渔市场直送的炸鱼仲，一份有6件，鲜鱼味好香浓，而且好Juicy，唔会炸到干晒硬晒，皮头的炸粉浆唔会太厚，咬开件鱼仲入面D鱼肉系一梳梳嘅，新鲜程度都几高，同埋系即叫即炸唔系炸定然后再翻炸。呢度嘅鱼汤乌冬真心佩服，其实就系鱼蛋鱼片头乌冬，不过个Selling Point要讲「鱼汤」呢两个字，佢个鱼汤应该系亮点。白白的鱼汤无化学味无味精味，似乎真系用新鲜鱼去煲，似系传说中的杂鱼汤，不过佢比一般杂鱼汤嘅鱼味会再浓D，但系又一D都无鱼醒味。另外佢有两粒话梅番茄仔，冷盘黎嘅，酸酸地，开胃好味道。